جنوبی کینرا میں زوردار برسات۔ ندیوں میں پانی کی سطح میں اضافہ؛کچھ مقامات میں چٹان کھسکنے کی واردات

Source: S.O. News Service | By Shahid Mukhtesar | Published on 9th August 2018, 12:09 PM | ساحلی خبریں |

منگلورو9؍اگست (ایس او نیوز) کچھ دنوں کی مہلت کے بعد جنوبی کینرا میں موسلادھار بارش کا سلسلہ پھر شروع ہوگیا ہے جس کے نتیجے میں کئی علاقوں میں پانی  جمع ہونے سے عوام الناس کو سخت دشواریاں پیش آرہی ہیں۔

جنوبی کینرا ضلع میں سبرامنیا، کڈبا، گنڈیا اور سولیا وغیرہ علاقوں میں بھاری برسات کی وجہ سے ندیوں میں پانی کی سطح خطرہ کے نشان سے اوپر  چلی گئی  ہے۔جنوبی کینرا کی اہم ترین ندیوں میں نیتراوتی اور کماردھارا ندیوں میں پانی کی سطح بہت ہی زیادہ ہوگئی ہے۔مسلسل بارش کی وجہ سے کئی ندیوں پر واقع چھوٹے چھوٹے پل پانی میں ڈوب گئے ہیں۔نشیبی علاقوں کے کھیتوں میں بھی برساتی پانی کی وجہ سے ندیوں میں تبدیل ہوگئے ہیں۔ عوام کو تشویش اس بات کی ہے کہ اگر برسات کا سلسلہ یونہی تیز ہوتا گیا تو پھر سیلابی کیفیت پیدا ہوسکتی ہے۔


بتایا گیاہے کہ بھاری برسات کے دوران منگلورو بنگلورو ریلوے لائن پر ایڈاکومیری نامی علاقے میں چٹان کھسک گئی ہے ، اطلاع کے مطابق ایک بہت بڑا چٹان کا توداگرنے اور بہت سارا کیچڑ ریلوے ٹریک پر جمع ہونے کی وجہ سے ٹرین سروس بھی متاثر ہوگئی ہے۔ خاص کر یشونت پور کاروار ٹرین کو سکلیشپور پر ہی روک لیا گیا ہے اور مسافروں کو کے ایس آر ٹی سی کی ۹ بسوں میں مختلف مقامات کے لئے روانہ کیا گیا۔

ایک نظر اس پر بھی

بھٹکل میونسپل پارک کی تجدیدکاری میں بدعنوانی کا الزام۔ ڈپٹی کمشنر کے نام میمورنڈم

بھٹکل بلدیہ کے حدود میں بندر روڈ پر واقع سردار ولبھ بھائی پٹیل پارک کی تجدید کاری میں بدعنوانی کا الزام لگاتے ہوئے  آسارکیری کے عوام  نے بلدیہ انجینئر کو پارک میں طلب کرکے ڈپٹی کمشنر کے نام میمورنڈم دیا جس میں مطالبہ کیا گیا ہے کہ یہاں ہورہی بدعنوانی کی تحقیقات کروائی جائے۔

کاروار کے ہوم گارڈس دفتر اورکیگا شہری تحفظ مرکز میں یوم ِآزادی کی خصوصی تقریب

شہر میں ہوم گارڈس دفتر میں 72واں یوم ِ آزادی کا جشن پرچم کشائی کے ساتھ منایاگیا ۔ ضلعی آفیسر دیپک گوکرن  نے جھنڈا لہرانے کے بعد خطاب کرتے ہوئے کہاکہ ہمیں یہ آزادی کئی ایک مہان ہستیوں کی قربانی کے بعد ملی ہے۔ یہ ملک تکثریت میں وحدت پیش کرنے والا ایک انوکھا ملک ہے۔انہوں نے کہاکہ ...

کاروار : ضلع پنچایت اورمیڈیکل کالج میں یوم ِ آزادی کا جشن :ایمانداری سے اپنے فرائض کو انجام دینا  سچی دیش بھگتی  

اترکنڑا ضلع کے مرکزی مقام کاروار میں اترکنڑا ضلع پنچایت اور میڈیکل سائنس سنٹر میں  جوش و خروش کے ساتھ یوم آزادی کا جشن منایا ۔ جس کی مختصر تفصیل ذیل میں دی جارہی ہے۔ ...

بھٹکل میں یوم آزادی کا جشن پورے جوش وخروش کے ساتھ منایا گیا؛ تعلقہ انتظامیہ کی جانب سے اسسٹنٹ کمشنر نے لہرایا جھنڈا

ہر سال کی طرح امسال بھی بھٹکل میں پورے جوش و خروش کے ساتھ  یوم آزادی کی تقریب منائی گئی اور تعلقہ انتظامیہ سمیت مختلف سرکاری اور غیر سرکاری اداروں سمیت تعلیمی اداروں میں بھی  ترنگا جھنڈا لہرایا گیا۔