وارانسی،15 مئی ( ایس او نیوز؍آئی این ایس انڈیا)وارانسی کے کینٹ ایریا میں زیر تعمیر پل گرنے سے ایک بڑا حادثہ پیش آنے کی اطلاع مل ر ہی ہے ۔یہاں بن رہے فلائی اوور کا ایک حصہ اچانک گر گیا اور اس کے نیچے بڑی تعداد میں لوگ اور گاڑیوں دب گئیں۔ حادثے میں 15 لوگوں کی موت ہو گئی ہے جبکہ 50 سے زائد افراد کے ملبے میں دبے ہونے کی اطلاع ہے۔ یوگی آدتیہ ناتھ نے حادثہ پر افسوس ظاہر کرتے ہوئے حکام سے فورا موقع پر پہنچ کر کارروائی کرنے کو کہا ہے۔ ریاستی حکومت نے حادثہ میں مہلوکین کے اہل خانہ کو پانچ لاکھ اور شدید زخمی کو دو لاکھ روپے کا معاوضہ دینے کا اعلان کیا ہے۔کینٹ کے علاقہ میں فلائی اوور کی تعمیر طویل عرصے سے جاری تھی۔ منگل کی شام اچانک اس پل کا ایک حصہ ٹوٹ کر نیچے آ گرا۔ اس کے نیچے کھڑی گاڑیوں سمیت کئی لوگ پل کے نیچے دب گئے۔ اب تک 15 لوگوں کے مرنے کی اطلاع مل رہی ہے جبکہ کئی لوگ اب بھی ملبے میں دبے ہوئے ہیں۔ ملبے کے نیچے کار ، آٹو اورٹو وہیلر گاڑیوں سمیت کئی گاڑیوں دبے ہیں جن میں یہ کئی لوگ کے دبے ہونے کاخدشہ ہے ۔ یوگی آدتیہ ناتھ نے بھی حادثہ پر افسوس کا اظہار کرتے ہوئے اسے اپنے نوٹس میں لیا ۔ انہوں نے ضلع انتظامیہ کو تیزی سے امدادی کام کرتے ہوئے لوگوں کی ہر ممکن مدد کرنے کی ہدایت کی۔ انہوں نے حکام سے فوری کارروائی کرتے ہوئے ملبے میں دبے لوگوں کو جلد سے جلد نکالنے کو کہا ہے۔ ایم یوگی خود بھی جلد وارانسی پہنچنے والے ہیں۔ وزیر مملکت سدھارتھ ناتھ سنگھ نے کہا کہ وزیر اعلی یوگی نے حادثہ پر تعزیت کا اظہار کرتے ہوئے نائب وزیر اعلی کیشو پرساد موریا اور ایک ا ور وزیر کو وارانسی کینٹ پہنچنے کو کہا ہے۔ نریندر مودی نے بھی حادثہ پر یوگی سے بات کی ہے۔ ٹویٹس میں مودی نے لکھا کہ میں نے یوپی کے وزیر اعلی سے وارانسی میں زیر تعمیر پل گرنے سے ہوئے حادثہ پر بات کی۔