اُڈپی:21/اپریل(ایس اؤنیوز)بی جے پی والوں کے لئے بدنظمی ہی نظم کہلا تاہے، ان میں کبھی نظم و ضبط رہا ہی نہیں، بی جے پی کے ریاستی صدر یڈیورپا کے خلاف خود ان کے پارٹی کے ایشورپا کے اندر لاوا ابل رہا ہے ، وہ کب پھٹ پڑے گا کوئی نہیں جانتا۔ ان خیالات کا اظہار ریاست کے وزیر اعلیٰ سدرامیا نے کیا۔

وہ یہاں بارکور بھارگو کے شری بارکور مہاسنستھان ٹرسٹ کی جانب سے منعقدہ پروگرا م میں خطاب کررہے تھے۔ اپنی بات جاری رکھتے ہوئے وزیراعلیٰ نے کہاکہ یڈیو رپا ریاست بھر میں مشن 150کی بین بجاتے گھوم رہے ہیں ، کون سننے والا ہے اور انہیں یہ ٹارگیٹ کس نے دیا کہتے ہوئے مذاق اڑایا۔ وی آئی پی سواریوں سے لال بتی ہٹائے جانے کے مرکزی حکومت کے فیصلے کو بی جے پی کے اقتداروالی ریاستوں نے استقبال کیا ہے ہم بھی اس کے متعلق فیصلہ لینے کی بات ایک اخبارنویس کے جواب میں کہی۔ اُ ڈپی ڈپٹی کمشنر پر قاتلانہ حملہ کرنے والوں کے خلاف سخت کارروائی کا انتباہ دیتے ہوئے کہاکہ کسی کو معاف نہیں کیا جائے گا، معاملے کے دیگرملزموں کو فوری گرفتارکرنے کا عندیہ بھی دیا۔