اُڈپی24/اکتوبر(ایس او نیوز) یوابرگیڈ نامی ادارے نے اتوار کو اُڈپی کے رتھ روڈ پر ’کنک نڈے ‘ صفائی پروگرام کو انجام دیتے ہوئے ضلع ڈی سی کے حکم نامے کی خلاف ورزی کرتے ہوئے چھوت چھات منایا ہے ، اس لئے اس کی افتتاح کرنے والے پریایا پیجاور شری اور اس کی قیادت کئے چکرورتی سولی بیلےکے خلاف دلت ظلم قانون کے مطابق کیس در ج کیاجائے، اس بات کا مطالبہ اُڈپی ضلع دلت دمنتر سوابھیمان سنگھرش سمیتی نے اتوار کو اُڈپی ضلع ایس پی کے ٹی بال کرشنا سے ملاقات کرتے ہوئے کیا ہے۔

دلت مفکر جین ملپے نے اس موقع  پر کہا کہ سمیتی نے قانون کے احترام میں ’سوابھیمانی نڈے ‘ کو ملتوی کیا ، لیکن یوابرگیڈ والوں نے ’قانون کی خلاف ورزی‘ نہیں کرنے کا دعویٰ کرتے ہوئے کنک نڈے مناتے ہوئے ضلع ڈی سی کے حکم کو نہیں ماننے کی شکایت کی۔

رتھ روڈ عوامی سڑک ہے ، وہاں موجود کنک مورتی کے سامنے بھجن، مورتی کو مالاپہنانااور کنک نڈے کابیانر تھام کر رتھ روڈ پر جلوس نکالا گیا ہے ، یہ سب نہ صرف قانون کی خلاف ورزی ہی نہیں بلکہ چھوت چھات منانا بھی ہے ۔ ہمارے تعلق سے  مٹھ کا گھیراؤ کرتے ہوئے گویا مٹھ کو منہدم کریں گے اس طرح  خوف کا ماحول پیدا کیا گیا ہے۔ گھیراؤ کرنے پر اپواس منانے کی بات کہتے ہوئے ہمدردی حاصل کرنے کے لئے پیجاورمٹھ کے سوامی نے دلتوں کو مشتعل کرنے کاکام کیا ہے ۔ اس چھوت چھات والے پروگرام کو سوامی جی روک سکتے تھے، لیکن انہوں نے ایسا نہیں کیا بلکہ ان کے ساتھ شامل ہوتے ہوئے مشتعل کیا ہے ۔ ایسے چھوت چھات کومٹھ کے اندر بھی منانے کی ضرورت نہیں ہونے کا الزام لگایا۔ چکرورتی سولی بیلے اپنے فیس بک کے پیچ پر ’’ اُ ڈپی کے راستوں پر دلتوں نے گھوم پھیر کر نیلا کیا ہے اس لئے ہم اس کی صفائی کریں گے ‘‘ پوسٹ کیا ہے ۔ اب اسی پروگرام کو پیجاور شری نے افتتاح کرتے ہوئے چھوت چھات منائی ہے، کنک کو ان کی طرح ہمیں بھی مالاپہنا کی اجازت دینے کی دلت لیڈر شیام راج بھرتی نے مانگ کی۔ انہوں نے کہاکہ چکرورتی سولی بیلے پہلے اقلیتوں کے خلاف اشتعال انگیزی کرتے تھے اب دلتوں کے خلاف کررہے ہیں۔ سولی بیلے اور شری رام سینا لیڈر پرمود متالک کو  اُڈپی داخلے پر پابندی عائد کرنے کا مطالبہ کیا۔ اس موقع پر سمیتی کے سنچالک حسین کوڑی بینگرے ، سی پی ایم لیڈر بال کرشنا شٹی ، ایس ایس پرساد، وٹھل توٹم ، شمبھو سورنا، پرمیشور، واسو نیجار، یووراج وغیرہ موجود تھے۔

ڈی سی کارروائی کریں گے ؛ایس پی بال کرشنا: کنک نڈے کے لئے ضلع ڈی سی نے منظوری نہیں دی تھی حکم نامے کی خلاف ورزی کرنے کے متعلق تفتیش کے بعد خود ڈی سی کارروائی کرنے کی بات اُڈپی ضلع ایس پی کے ٹی بال کرشنا نے کہی۔ اُڈپی  ضلع دلت سوابھیمان سنگھرش سمیتی کی اپیل پر وضاحت کرتے ہوئے کہاکہ متعلقہ معاملے کے متعلق عدالت  میں سوال کیا جاسکتاہے۔ عدالت کی طرف سے دئیے جانے والے حکم کے تحت ہمیں 188دفعہ کے مطابق کیس درج کرنے کا موقع ہے ، اس لئے اس تعلق سے ڈی سی کو اپیل سونپنے کی ذمہ داروں سے کہا۔ کنک نڈے پروگرام کی مکمل وڈیو گرافی کی گئی ہے، جس کے لئے کل 17کمیرے نصب کئے گئے تھے، پوری رپورٹ ڈی سی کو منتقل کی جائے گی ، اگر اسمیں  حکم نامے کی خلاف ورزی نظرآتی ہے تو آگے کی کارروائی کرنے کی بات کہی۔