دو پاکستانیوں کے حج کی ادائیگی میں 25سال کی تاخیر کیوں ہوئی؟

Source: S.O. News Service | By Shahid Mukhtesar | Published on 5th September 2017, 7:54 PM | خلیجی خبریں |

ریاض،5ستمبر(ایس او نیوز؍آئی این ایس انڈیا)پاکستان سے تعلق رکھنے والے رواں سال حج کی سعادت حاصل کرنے والے خوش نصیبوں میں دو عمر رسیدہ دوست بھی شامل ہیں جن کی عمریں 80سال سے زائد ہیں، مگر ان دونوں کی پرخلوص باہمی محبت فریضہ حج کی ادائیگی میں 25سال کی تاخیر کا موجب بھی بنی ہے۔ دراصل دونوں پاکستانی شہریوں نے دوستی کی لاج رکھتے ہوئے ایک ساتھ فریضہ حج ادا کرنے کا تہیہ کر رکھا تھا مگر ان میں سے ایک کے پاس حج کے لیے وسائل نہیں تھے۔ اس کے دوسرے دوست نے پچیس سال ایک ساتھ حج کے لیے دوسرے دوست کی تیاریوں کا انتظار کیا یہاں تک کہ دونوں کی عمریں اسی سال سے تجاوز کرگئیں۔

حاجی اعجاز دلالی احمد اور اس کے دوست احمد دلو راج کا بچپن سے یارانہ چلا آ رہا تھا۔ دلالی احمد تو کئی سال قبل حج کے وسائل جمع کرنے میں کامیاب ہوگیا مگر اس نے یہ کہہ کرحج سے انکار کردیا تھا کہ جب تک اس کا دوست احمد دلو راج بھی حج کے وسائل مہیا نہیں کر لیتا وہ حج پر نہیں جائے گا۔ چنانچہ اس کے دوست کو حج کی تیاری کیلئے 25سال کا عرصہ لگا اور انہوں نے رواں سال حال ہی میں ایک ساتھ فریضہ حج ادا کرنے کا خواب شرمندہ تعبیر کرلیا۔

اعجاز دلالی نے منیٰ میں رمی جمرات کے بعد اپنے دوست راج کے بارے میں بات کرتے ہوئے کہا کہ یہ میرا زندگی بھر کا دوست ہے۔ آج اس کی بینائی بھی جا چکی ہے۔ ہم دونوں کئی سال سے ایک ساتھ حج کرنے کا منصوبہ بنا رہے تھے۔ میرے دوست کے پاس مالی وسائل ایسے نہ تھے کہ وہ حج کرسکتے جب کہ میرے پاس حج کی مکمل تیاری تھی۔ میں نے پچیس سال اپنے دوست کا انتظار کیا ہے۔ دونوں حجاج کرام نے بیت اللہ کی زیارت اور حج کا فریضہ ادا کرنے کی توفیق اور اللہ کی مدد پر شکر ادا کیا۔
 

ایک نظر اس پر بھی

ایرانیوں کا پیغام واضح ہے، وہ نظام کی تبدیلی چاہتے ہیں : شہزادہ رضا پہلوی

سابق شاہ ایران کے بیٹے شہزادہ رضا پہلوی نے ایران میں مظاہروں کی اہمیت پر زور دیتے ہوئے باور کرایا ہے کہ ایرانی عوام 40 برس تک مذہبی آمریت کے نظام کے تحت زندگی گزارنے کے بعد اس بات پر قائل ہو چکے ہیں کہ اس نظام کی اصلاح ممکن نہیں۔

اب سو فیصد ڈیجیٹل حج؛ آن لائن اور ایپ کے ذریعے3.60 لاکھ درخواستیں موصول؛ سعودی میں مرکزی وزیر مختار عباس نقوی کا بیان

امسال سے حج سو فی صد  دیجٹل  ہوگا اور لوگوں کے ابآن لائن اور موبائل ایپ کے ذریعے درخواستیں موصول کئے جارہے ہیں، اب تک  آن لائن  اور موبائیل ایپ کے ذریعہ تین لاکھ  60 ہزار درخواستیں  حج کمیٹی کو موصول ہوچکی  ہیں۔  ہمارا حج کوٹہ پچھلے سال کی طرح امسال بھی پرایویٹ ٹور اپریٹرس ...