بھٹکل: بی بی مونٹسری وومنس سنٹر میں پرائمری لیول پرتیبھا کارنجی مقابلوں کا انعقاد

Source: S.O. News Service | By Abu Aisha | Published on 13th August 2018, 7:00 PM | ساحلی خبریں |

بھٹکل  :13/ اگست (ایس اؤ نیوز)محکمہ تعلیمات عامہ کے زیر اہتمام  ہیبلے پنچایت حدود کے  بی بی مونٹسری وومنس سنٹر بھٹکل میں نیشنل کالونی کلسٹر لیول پرائمری اردو اسکول کے طلبا و طالبات کے لئے پرتیبھا کارنجی (ثقافتی مقابلے ) کا انعقاد ہوا۔

پروگرام میں  نیشنل کالونی کلسٹر کی آفیسر سعیدہ فاطمہ النساء نے استقبال کرتے ہوئے افتتاحی کلمات پیش کئے ۔ علی پبلک اسکول کے جنرل سکریٹری مولانا محمد الیاس ندوی نے مہمان خصوصی کی حیثیت سے خطاب کرتے ہوئے کہاکہ آج ہر جگہ مغربی تہذیب کےاثرات دکھائی دے رہے ہیں، جس کے نتیجے میں فن ، ثقافت سمیت تمام میں فحاشی اور ننگائیت کا دور دورہ ہے، ہمیں ایسی فحش تہذیب سے دور رہتے ہوئے اس کے روک تھام کی طرف توجہ دینے  کی ضرورت ہے۔ مولانا نے اساتذہ پر زور دیتے ہوئے کہاکہ طلبا میں اخلاقی معیار بڑھانے کی اہم ذمہ داری اساتذہ پر عائد ہے، ہماری تدریس اخلاق و اقدار پیدا کرنے والی ہو اور سماج میں آپسی بھائی چارہ ، ہم آہنگی جیسے اقدار تعلیم سے فروغ پائیں ہمیں ایسی کوشش کرنی چاہئے۔

پروگرام کا افتتاح کرنےکے بعد خطاب کرتے ہوئے بھٹکل تعلقہ پنچایت ممبر مہابلیشور نائک نے اپنے تاثرات کا اظہارکیا۔ پروگرام میں شریک ایک اور  مہمانِ محمد رضامانوی نے کہا کہ  پرتیبھا کارنجی کے توسط سے ریاست میں کئی ایک طلبا کو اپنی قابلیتوں کو اجاگر کرنے کا بہترین موقع  ملتا ہے ۔  ہیبلے پنچایت کے ممبر سید علی نے پروگرام کی صدارت کی۔ ڈائس پر پنچایت کی ممبر رقیہ صادق، وومنس سنٹر کی ذمہ دار خدیجہ قاضیا موجود تھے۔ استاد ایم جی ہیگڈے نے نظامت کرتے ہوئے شکریہ اداکیا۔

ایک نظر اس پر بھی

کاروار:اپنی نجی خواہشات کے لئے دوسروں پر الزام عائد نہ کریں : وزیر دیش پانڈے کا ہیبار پرپلٹ وار

اغی گروپ میں شامل یلاپور کے رکن اسمبلی شیورام ہیبار نےاپنے فیس بک پیج پر ضلع نگراں کار وزیر آر وی دیش پانڈے کے خلاف لگائے گئے الزاما ت کا وزیر دیش پانڈے نے بھی فیس بک پر  ہی  کچھ اس طرح جواب دیا ہے۔ ’ہیبار اپنے نجی اور انفرادی فیصلوں اور خواہشات کے لئے خود ذمہ دار ہیں ، اس ...

اڈپی ضلع پولیس نے کروائی گائیں چرانے کے معاملات میں ملوث157 افرادکی پریڈ۔ شہر بدرکرنے اور غنڈہ ایکٹ لاگو کرنے کی دی گئی وارننگ

اڈپی ضلع میں پولیس نے گائیں چرانے کے معاملات میں شامل رہنے والے افراد کو مختلف مقامات پر طلب کرکے ان کی اجتماعی پریڈ کروائی اور انہیں تنبیہ کرتے ہوئے کہا کہ آئندہ اس طرح کی وارداتوں میں اگر وہ ملوث ہونگے تو پھر ان کے خلاف شہر بدر کرنے یا پھر غنڈہ ایکٹ لاگو کرنے جیسے اقدامات کیے ...