جوئیڈا:بنگلورو میں گرفتار روی بیلگیرے کے فارم ہاؤس پر سی سی بی پولس ٹیم کا چھاپہ
جوئیڈا:10/ دسمبر(ایس اؤنیوز)اپنے ساتھی صحافی سنیل ہیگرولی کے قتل کی سپاری کے الزام میں جمعہ کو سی سی بی پولس کے ذریعے بنگلورو میں ’’ہائے بنگلورو‘‘کے بانی روی بیلگیرے کو گرفتار کیا گیا تھا۔ معاملے کے متعلق زائد جانکاری کی تلاش میں سی سی بی پولس کی ایک ٹیم سنیچر کو جوئیڈا کے جگلبیٹ کے قریب بربوسا مضاف میں ان کے فارم ہاؤس پرچھاپہ مارا۔ مگر کوئی دستاویزات ہاتھ نہیں آنے کی بات کہی جارہی ہے۔
قریب 30-01بجے 5پی ایس آئی پر مشتمل ٹیم فارم ہاؤس پہنچ کر گیٹ کو قفل لگانے سپاری قتل کے متعلق دستاویزات کی تلاش کے لئے جانچ پڑتال کی ۔6ایکڑ زمین پر پھیلے ہوئے فارم ہاؤس میں ایک بہت بڑاگھر ہے۔ موجودہ فارم ہاؤس کو روی بیلگیرے نے 10سال پہلے خریدا تھا۔ اس کے بعد وہ مہینہ میں ایک مرتبہ ضرور یہاں کادورہ کرتے تھے۔ فارم ہاؤس میں 6مزدور کام کرتے ہیں۔ ان سے پوچھ تاچھ کے بعد بھی کوئی جانکاری حاصل نہیں ہونے کی بات کہی جارہی ہے۔ اسی طرح فارم ہاؤس کی جانچ پڑتال کی سی سی بی پولس ٹیم کو کچھ بھی نہیں ملنے کی ذرائع نے خبر دی ہے۔