پتور: عاشقوں کے ایک جوڑے نے کی حادثے کے ذریعے خودکشی کی کوشش۔ لڑکی شدید زخمی ۔لڑکا پولیس حراست میں

Source: S.O. News Service | By Staff Correspondent | Published on 11th October 2018, 5:37 PM | ساحلی خبریں |

پتور11؍اکتوبر (ایس او نیوز) گھر سے بھاگے ہوئے عاشقوں کے ایک جوڑے نے اپن انگڈی میں منصوبہ بندی کے ساتھ کار کا حادثہ کرتے ہوئے خودکشی کی ناکام کوشش کی۔ جس کی وجہ سے لڑکی شدید زخمی ہوگئی اور اس کے عاشق کوپولیس نے گرفتار کرلیا ہے۔

اطلاع کے  مطابق  بیدر ضلع کے ہالیکھیڑ کا رہنے والا شارنیا(۲۰سال) اور اس کی 17سالہ معشوقہ 5اکتوبر کوگھر سے فرار ہوکر دھرمستھلا پہنچے تھے۔ لیکن ان کے میاں بیوی ہونے پر شک کرتے ہوئے یہاں پر کسی بھی لاڈج میں انہیں کمرہ نہیں دیا گیا۔اسی دوران لڑکی کے گھر والوں نے پولیس میں شکایت درج کروائی کی کہ لڑکی کا اغوا کیا گیا ہے۔جب ان دونوں کو یہ بات معلوم ہوئی تو دونوں گھبرا گئے اور فیصلہ کیا کہ پولیس کے ہاتھ لگنے یا گھر واپس لوٹنے سے بہتر ہے کہ دونوں ایک ساتھ خودکشی کرلیں۔

حادثے میں صحیح سلامت بچنے والے شارنیا کے بیان کے مطابق لڑکی نے کا ر کسی چیز سے ٹکراکر حادثہ کرتے ہوئے موت کوگلے لگانے کامنصوبہ بنایا۔ پھراس نے خودکشی کے ارادے سے سبرامنیا کی طرف کار آگے بڑھائی اور ایک موڑ پر بہت ہی تیز رفتاری کے ساتھ اسٹیئرنگ گھماتے ہوئے کسی عمارت کی دیوار سے کارٹکرا دی۔حادثے میں لڑکی کو شدید چوٹیں آئی ہیں اور اسے علاج کے لئے اسپتال میں داخل کیا گیا ہے۔جبکہ شارنیا صحیح سلامت رہا۔

پولیس نے لڑکے کو گرفتار کرلیا ہے کیونکہ اس کے خلاف بیدر ضلع میں لڑکی کو اغوا کرنے کا کیس درج ہے۔ بتایا جاتا ہے کہ لڑکے کو تحویل میں لینے کے لئے بیدر پولیس کی ٹیم پتور پہنچ رہی ہے۔زیرعلاج لڑکی کو پولیس تحفظ فراہم کردیا گیا ہے۔ پولیس کی مزید تحقیقات کے بعد کچھ اور تفصیلات سامنے آنے کے امکانات جتائے جارہے ہیں۔

ایک نظر اس پر بھی

دارالعلوم اسلامیہ عربیہ تلوجہ میں علمائے شوافع کی جانب سے فقہی سمینار کا آغاز؛ علماء فقہائے شوافع نے حقیقتاً حدیث اور فقہ میں بہت نمایاں کام کیاہے: خالد سیف اللہ رحمانی 

بروز سنیچر 19؍ جنوری مجمع الامام الشافعی العالمی کی جانب سے دو روزہ پہلے فقہی سمینار کا آغاز کیا گیا اس سمینار کا افتتاحی جلسہ صبح 10؍ بجے جامعہ دارالعلوم اسلامیہ عربیہ تلوجہ ممبئی میں منعقد کیا گیا

بھٹکل: ریاست کے مشہور سد گنگامٹھ کے شری کمار سوامی جی کی وفات پر رابطہ ملت اترکنڑا کا اظہار تعزیت

ریاست کے قدآور ، معروف سد گنگا مٹھ کے شری کمار سوامی جی کے دارِ فانی سے کوچ کر جانے پر رابطہ ملت اترکنڑا ضلع کے عہدیداران نے اظہار تعزیت کرتے ہوئے کہا ہے کہ سوامی جی ملک کی ایک قوت کی مانند تھے۔

گنگولی کے آراٹے ندی میں غرق ہوکر لاپتہ ہونے والے ماہی گیر کی نعش آج برآمد

یہاں آراٹے ندی میں غرق ہوکر کل رات ایک ماہی گیر لاپتہ ہوگیا تھا، جس کی نعش آج متعلقہ ندی سے برآمد کرلی گئی ہے۔ ماہی گیر کی شناخت آراٹے کڑین باگل کے رہنے والے  کرشنا موگویرا (50) کی حیثیت سے کی گئی ہے۔

کنداپور میں ہوئی چوری کی واردات کے بعد پولس نے گھر میں نوکری کرنے والے میاں بیوی کوکیا گرفتار

کنداور دیہات کے سٹپاڑی کے ایک گھرمیں ہوئی  چوری کے معاملے میں کنداپور دیہی پولس نے فوری کارروائی کرتے ہوئے اسی گھر میں کام کرنےو الے میاں بیوی کو صرف دو دنوں میں ہی گرفتار کر کے معاملے کو حل کرنے میں کامیابی حاصل کرلی  ہے۔

ہوناور قومی شاہراہ پرگزرنےو الی بھاری وزنی لاریوں سے سڑک خستہ؛ میگنیز کی دھول اور ٹکڑوں سے ڈرائیوروں اور مسافروں کو خطرہ

حکومت عوام کو کئی ساری سہولیات مہیا کرتی رہتی ہے، مگر ان سہولیات سے استفادہ کرنےو الوں سے زیادہ اس کاغلط استعمال کرنے والے ہی زیادہ ہوتے ہیں، اس کی زندہ مثال  فورلین میں منتقل ہونے والی  قومی شاہراہ 66پر گزرنے والی بھاری وزنی لاریاں  ہیں۔