منگلورو سمارٹ سٹی میں قصائی خانے کی تعمیر۔ بی جے پی نے لگایا یوٹی قادر پر اختیارات کے غلط استعمال کا الزام۔قادر نے کیا پلٹ وار، کہا؛ طاقت ہو تو منصوبہ رکوا کر دکھائو

Source: S.O. News Service | By I.G. Bhatkali | Published on 9th October 2018, 11:49 PM | ساحلی خبریں | ریاستی خبریں |

منگلورو 9؍اکتوبر (ایس او نیوز)منگلورو سمارٹ سٹی میں قصائی خانے کی تعمیر کو لے کر جب  بی جے پی نے  یوٹی قادر پر اختیارات کے غلط استعمال کا الزام عائد کیا تو یوٹی قادر نے  پلٹ وار کرتے ہوئے کہا کہ اگر آپ میں  طاقت ہو تو منصوبہ رکوا کر دکھائو۔

ذرائع سے ملی اطلاع کے مطابق بی جے پی ایم ایل اے سنجیو ماٹندور نے ایک پریس کانفرنس کے دوران ضلع انچارج وزیر یو ٹی قادر پر الزام لگایا تھا کہ  انہوں نے اپنے اختیارات کا غلط استعمال کرتے ہوئے سمارٹ سٹی پروگرام کے تحت کودرولی میں 15کروڑ روپے کی لاگت سے قصائی خانہ تعمیر کرنے کا منصوبہ پیش کیا ہے۔ اور ا س طرح ضلع انچارج وزیر اقلیتی طبقے کو خوش کرنے اور رقم بٹورنے کی پالیسی اپنا رہے ہیں۔

رکن اسمبلی سنجیو نے یوٹی قادر پرالزام لگاتے ہوئے کہا تھا کہ:’’ سمارٹ سٹی کے نام پر اس منصوبے کی سفارش کرنے سے پہلے اراکین پارلیمان اور اراکین اسمبلی اور دیگر متعلقہ افرادکو اعتماد میں نہیں لیا گیا۔اور یو ٹی قادر نے سماج کے ایک طبقے کی خوشامد کرنے کے لئے اپنے اختیارات کا بے جا استعمال کیاہے۔‘‘

سمارٹ سٹی بورڈ کے ڈائریکٹروں میں سے ایک ڈائریکٹر پریمانند شیٹی نے کہا تھا کہ:’’ضلع انچارج منسٹر یو ٹی قادر نے براہ راست ایم سی سی کے کمشنر کواپنی تجاویز والا مراسلہ دیا ہے اوروہاں سے سمارٹ سٹی بورڈ کے چیرمین پونوراجو کو بھیجا گیا ہے۔ جبکہ اصولی طریقہ کار کے مطابق اسے میئر کے پاس دیا جانا چاہیے تھا۔ اور کارپوریشن کاونسل میں اس منصوبے کو منظوری دی جانی چاہیے تھی۔ انہوں نے سوال کیا تھا کہ کارپوریشن کاونسل کی منظوری کے بغیر ایسے منصوبوں کو کس طرح سمارٹ سٹی پروجیکٹ میں شامل کیا جاسکتا ہے۔‘‘

لیکن جب میڈیا والوں نے قصائی خانے سے متعلق سوالات پوچھنے شروع کیے تو رکن اسمبلی سنجیوماٹندور نے پریس کانفرنس چھوڑ کرباہر کی طرف نکلنا شروع کیا اس پر میڈیا والوں نے سوال کیا کہ جب پریس کانفرنس انہوں نے بلائی ہے تو پھرسوالات کا جواب دئے بغیروہ درمیان میں کیسے اٹھ کر جاسکتے ہیں۔ اس کا کوئی بھی جواب دینے سے انکار کرتے ہوئے پریمانند شیٹی کو ہی پریس والوں کے جوابات دینے کی ذمہ داری سونپ کر وہ باہر نکل گئے۔

ادھر دوسری طرف ضلع انچارج وزیر یو ٹی قاد ر نے کل ہی بی جے پی کے اعتراض پر ردعمل ظاہر کرتے ہوئے کہا تھا کہ انہوں نے سمارٹ سٹی کے مختلف منصوبوں کے لئے مشورے اورتجاویز دی ہیں۔ ایک سال قبل خود بی جے پی والوں نے شہر میں موجود قصائی خانے میں بنیادی سہولتوں کی کمی اور صفائی ستھرائی نہ ہونے کی شکایات کی تھیں۔ سمارٹ سٹی میں ہر ایک شعبے کو صاف ستھرا رکھنا ضروری ہے۔صرف ہمارے گھروں کے پاس پڑا ہوا کچرا ہٹانے سے صاف ستھرا شہر وجود میں نہیں آتا۔گوشت جو کھایا جارہا ہے وہ بھی حفظان صحت کے اصولوں کے مطابق ہونا چاہیے۔بورڈ کمیٹی کی میٹنگ میں بی جے پی کے اراکین بھی موجود تھے۔

یوٹی قادر نے واضح وارننگ دینے جیسے انداز میں  کہا کہ اب بھی چاہیں تو ضلع کے رکن پارلیمان اس کے خلاف مرکزی حکومت کو مراسلہ بھیج سکتے ہیں، مگر  ہر معاملے میں سیاست کرنا اچھی بات نہیں ہے۔ یوٹی قادر نے کہا کہ عوامی نمائندوں کو جذبات بھڑکانے کا کام نہیں کرنا چاہیے۔ میں نے جو بھی تجاویز دی ہیں وہ دور اندیشی کے ساتھ دی ہیں۔

یوٹی قادر نے کہا کہ  خواہ مخواہ الزام لگانے والوں میں اگر دم ہے تو وہ مرکزی حکومت کو مراسلہ بھیجیں اوراگر طاقت ہے تو پھر اس منصوبے پر روک لگاکر دکھائیں۔ انہوں نے کہا کہ وہ چاہے تو  سمارٹ سٹی میں گؤ شالہ کو ترقی دینے کے لئے اپیل کریں۔ انہوں نے مزید کہا کہ ایک طرف جانور کاٹے جارہے ہیں۔ گوشت بیرونی ممالک کو ایکسپورٹ کیا جارہا ہے ، انہوں نے پوچھا کہ  ایسے میں  ہمارے یہاں اس کا صحیح نظام کیوں نہیں کیاجانا چاہیے۔
 

ایک نظر اس پر بھی

بھٹکل میں بائک اور جیپ کی ٹکر؛ بائک سوار زخمی

یہاں  عثمان نگر کراس نیشنل ہائی وے 66 پر بدھ کی شب کو مہیندرا جیپ اور بائک کے درمیان ہوئی ٹکر میں بائک سوار زخمی ہوگیا جسے  مقامی اسپتال میں ابتدائی طبی امداد پہنچانے کے بعد کنداپور منتقل کیا گیا ہے۔

منگلورومیں نوجوان کو اغوا کرکے تاوان وصول کرنے والے نکلے منشیات فروش۔ 2.89لاکھ روپے مالیت کی اشیاء ضبط

چند دن پہلے فالنیر علاقے سے شماق نامی نوجوان کو اغوا کرنے اور بعد میں 50ہزار روپے تاوان وصول کرکے چھوڑنے والے کے الزام میں گرفتار کیے گئے گوتم(۲۸سال) اور لوئی ویگس (۲۶سال)کے بارے میں معلوم ہوا ہے کہ وہ منشیات فروشی کے دھندے میں ملوث ہیں۔

بنٹوال میں ایک گینگ کے ذریعے 3 نوجوانوں پر چاقو سے حملے کی واردات

قریبی علاقہ  بنٹوال بی سی روڈ کے کائیکمبا علاقے میں رات کے وقت سڑک کنارے کھڑے ہوئے تین نوجوانوں پر کار میں سوار ہوکر آنے والی اجنبیوں کی ایک ٹولی کے ذریعے چاقو سے حملہ کرنے کی واردات پیش آئی ہے ، جس کے بعد زخمیوں کو علاج کے لئے نجی اسپتال میں داخل کیا گیا ہے۔

اسمبلی انتخابات میں تین ریاستوں میں کانگریس کی بہترین کارکردگی پر بھٹکل سمیت ساحلی کرناٹکا میں پٹاخے چھوڑے گئے

مدھیہ پردیش، راجستھان اور چھتیس گڑھ میں کانگریس کی زبردست واپسی کے بعد ایک طرف اچھے دن کا جھوٹا خواب دکھانے والوں اور شہروں کےنام تبدیل کرنے والوں کو منہ کی کھانی پڑی ہے، وہیں  کانگریس کارکنوں میں جوش و خروش دیکھا جارہا ہے۔

منگلورو: کانگریس ایم ایل اے کی آر ایس ایس لیڈروں کے ساتھ موجودگی ۔آپریشن کنول کا اشارہ تو نہیں!

ریاست کرناٹک کے مختلف علاقوں میں بی جے پی کی طرف سے آپریشن کنول کا راستہ اپنانے اور کانگریس و جنتادل ایس کی مخلوط حکومت کو گرانے کی سازشیں رچنے کی خبریں وقتاً فوقتاً سر اٹھاتی رہتی ہیں۔ اب تازہ ہوا منگلورو کے قریب کلاڈکا سے چلی ہے جہاں پر آر ایس ایس لیڈر کلاڈکا پربھاکر بھٹ کے ...

کاروار: کائیکا اٹامک پاور اسٹیشن نے مسلسل بجلی تیار کرنے کا ورلڈ ریکارڈ قائم کیا۔ وزیر اعظم مودی نے عملے کو دی مبارکباد

) کائیگا اٹامک پاوراسٹیشن(کے اے پی ایس)میں جوچار یونٹس بجلی تیار کررہے ہیں ان میں سے یونٹ نمبر1نے مسلسل 941 دنوں تک یورینیم کے بھاری پانی(ہیوی واٹر) سے بجلی تیار کرنے کا ورلڈ ریکارڈ بنایا ہے ، جس پر ملک کے وزیر اعظم نریندرمودی نے ہندوستان کے جوہری توانائی پروگرام پر کام کررہے ...

توہم پرستی کے مخالفین کومذہب دشمن قراردیاجارہاہے: ملیکارجن کھرگے

پارلیمان میں کانگریسی رہنما ملیکارجن کھرگے نے کہاکہ آج سماج میں توہم پرستی کی مخالفت کرنے والوں کومذہب کے دشمن کے طورپر پیش کیاجارہاہے ،یہاں کونڈجی بسپاہال میں اکھل بھارت شرن ساہتیہ پریشد اورماچی دیواسمیتی کی جانب سے اشوک دوملور کی تین مختلف زبانوں میں تحریرکردہ کتابوں ...

22دسمبر کو کابینہ میں ضرور توسیع ہوگی: دنیش گنڈو راؤ

پردیش کانگریس کمیٹی ( کے پی سی سی ) صدر دنیش گنڈو راؤ نے بتایا کہ 22دسمبر کوریاستی کابینہ میں توسیع ضرور ہوگی۔کے پی سی سی دفتر میں نامہ نگاروں سے انہوں نے کہا کہ کابینہ میں توسیع سے متعلق وزیراعلیٰ ایچ ڈی کمار سوامی ،نائب وزیراعلیٰ ڈاکٹر جی پرمیشور سمیت دونوں پارٹیوں کے لیڈروں ...

بی جے پی الزام عائد کرنے سے پہلے سی اے جی رپورٹ کاجائزہ لے: سدرشن

کے پی سی سی نائب صدر قانون سازکونسل کے سابق چیرمین وی آر سدرشن نے کہاکہ بی جے پی رہنما ؤں کو سابق وزیراعلیٰ سدارامیا کے دورمیں 35ہزار کروڑ روپئے کاگھپلہ ہونے کالزام لگانے سے پہلے سی اے جی رپورٹ کاجائزہ لینا چاہئے ۔