سرسی:2/ دسمبر(ایس اؤنیوز)فاریسٹ زمین کو اتی کرم کرتےہوئے تعمیر کئےجارہے ہوم اسٹے کو محکمہ فاریسٹ کے افسرا ن نے جے سی بی مشین کے ذریعے زمین بوس کئے جانے کا واقعہ پیش آیاہے۔

سرسی فاریسٹ علاقہ کے بدرلی جنگل میں سروے نمبر 19پر غیر قانونی طورپر تعمیر کئے جارہے ہوم اسٹے کو پولس سکیورٹی کے تعاون سے فاریسٹ محکمہ کے عملے نے جے سی بی مشین کا استعمال کرتے ہوئے منہدم کردیا۔ موصولہ اطلاعات کے مطابق بدرلی فاریسٹ علاقہ کے سروے نمبر 19پر اُدئیے نائک نامی شخص نے فاریسٹ زمین کا اتی کرم کرتے ہوئے ہوم اسٹے تعمیر کررہاتھا جس کو نکال باہر کیاگیا ہے۔ بتایا جاتا ہے کہ فاریسٹ محکمہ کی 6ایکڑ زمین کا اتی کرم کرکے ہوم اسٹے کاکام بڑے زوروں پر تھا۔ اس کی اطلاع فاریسٹ محکمہ کو ملی تو انہوں نے محکمہ پولس کے تعاون سے 8جے سی بی مشینوں کا استعمال کرتے ہوئے منہدم کردیا اور وہاں کئی قسم کے پودوں کو نصب کئے جانے کی اطلاعات موصول ہوئی ہیں۔