سرسی:03؍فروری (ایس او نیوز)شہر کے سی پی مارکیٹ میں پیدل  روڈ  تک دکانیں کھڑی کی گئی ہیں، بہت جلد ان سبھی کو نکال دینے کی ڈی وائی ایس پی گوپال کرشنا نایک نے بات کہی۔

جمعہ کو یہاں اخبارنویسوں سے بات کرتے ہوئے ڈی وائی ایس پی نےکہاکہ ٹرافک نظام میں بہتری لانے کے لئے کچھ سخت اقدامات اٹھائے جارہے ہیں، ون وے ٹرافک، پارکنگ کو بہت جلد بہتر نظام میں تبدیل کیا جائے گا۔ بائک سواروں کی حفاظت کو لےکر سواروں کے لئے ہیلمٹ لازمی قرار دیاجارہاہے، حالیہ ہوئے حادثات میں بائک سوار ہیلمٹ نہیں ہونے سے جان کھوئے ہیں، ایسے حادثات میں کمی لانے کی بات کہی۔

سڑک تحفظ، ٹرافک تحفظ کے لئے کچھ مقامات پر اتی کرم کا نکال باہر کیا جانا ہے ، اس سلسلے میں میونسپالٹی کا خاص تعاون درکارہے، پانچ رستہ کی توسیع کے بعد یہاں سنگل لائٹ نصب کرنے کے تعلق سے غور کیا جائے گا۔ ڈی وائی ایس پی نے سرسی کےلئے ٹرافک پولس تھانے پر زور دیا۔ اسی طرح ڈی وائی ایس پی نے سماجی جرائم پر کہاکہ گانجہ فروخت کاری جال کا پیچھا کررہے ہیں اہم سراغ ہاتھ لگے ہیں،  بہت جلد ان کا پردہ فاش کرتے ہوئے کیفر کردار تک پہنچانےکی بات کہی۔ اتنا ہی بلکہ جو لوگ گانجہ پیتے ہیں ان پر کارروائی کی جائے گی ، اگر کوئی شبہ ہواتو ان کے خون کی جانچ کرنے کی بات کہی۔ سب زونل حدود میں قریب 50چوری معاملات کا پتہ لگانا ہے، اس سلسلے میں کٹھن کارروائی کے لئے نئے اقدامات کئے جانے پر غور کرنے کی بات کہی۔