نئی دہلی:24/اپریل(ایس او نیوز/آئی این ایس انڈیا)پنجاب میں امرتسرسے کانگریس کے ٹکٹ پر الیکشن جیت کر اسمبلی پہنچے نوجوت سنگھ سدھو نے ایک بار پھر اپنی دریادلی کا مظاہرہ کیا ہے۔سدھونے راجہ سانسی کے ان کسانوں کو اپنی جیب سے معاوضہ دینے کا اعلان کیا ہے جن کی فصل آگ لگنے سے تباہ ہو گئی تھی۔کانگریسی لیڈراورپنجاب کی کیپٹن حکومت میں وزیر اور سابق کرکٹر نوجوت سنگھ سدھو نے کسانوں کی مدد کے لیے اپنا ہاتھ آگے بڑھایا ہے۔پنجاب کے اوٹھیا ں میں بھیانک آتشزدگی کی وجہ سے برباد ہوئی فصل کے لیے حکومت کی جانب سے معاوضہ ملنے کے ساتھ ہی نوجوت سنگھ سدھو نے اپنی جیب سے بھی کسانوں کو معاوضہ دینے کا اعلان کیا ہے۔پنجاب کے مقامی بلدیاتی وزیر نوجوت سنگھ سدھو نے اتوار کو کسانوں کو اپنی جیب سے 24لاکھ روپے معاوضہ دینے کی بات کہی ہے۔ہفتہ کو لگی بھیانک آگ کی وجہ ان کسانوں کی سینکڑوں ایکڑ میں تیار فصل جل کر راکھ ہو گئی تھی۔اتوار کو سدھو نے راجہ سانسی اسمبلی حلقہ میں واقع متاثر ہ علاقے اوٹھیاں کا دورہ کیا، کھیتوں کے اوپر سے گزر رہے ہائی ٹینشن لائن کے تار میں چنگاری کی وجہ سے300ایکڑ میں کھڑی فصل جل کر تباہ ہو گئی تھی۔پنجاب کے مقامی بلدیاتی وزیر اور سابق کرکٹر نوجوت سنگھ سدھونے اتوارکو اعلان کیا ہے کہ وہ اپنی جیب سے کسانوں کو فصل برباد ہونے کے لیے 24لاکھ روپے کا معاوضہ دیں گے۔میڈیا ے بات کرتے ہوئے سدھو نے کہا کہ متاثرہ کسانوں کو حکومت 8ہزار روپے فی ایکڑ کے حساب سے معاوضہ دے گی۔حکومت کی جانب سے 300ایکڑ کے لیے 24لاکھ روپے معاوضہ دیا جائے گا۔انہوں نے کہا کہ میں بھی کسانوں کو 300ایکڑ کے لیے اتنا ہی معاوضہ اپنی طرف سے دے رہا ہوں۔ سدھو اپنے پاس سے کسانوں کو 24لاکھ روپے معاوضہ دیں گے، اس دوران کسانوں نے فائر ٹینڈر کی کمی کی شکایت سدھو سے کی۔کسانوں کے مطالبات کو مانتے ہوئے فوری طور پر ہی فائرٹینڈرمہیا کرائے جانے کی ہدایت دے دی گئی ہے۔سدھو نے اجنالا، راجہ سانسی، امرتسر ایسٹ اور امرتسر نارتھ کوالگ الگ دمکل  گاڑیاں دینے کا اعلان کیا ہے، تاکہ مستقبل میں اس طرح کے واقعات سے بچا جا سکے۔میڈیا رپورٹوں کے مطابق،اس بھیانک آگ نے اوٹھیاں کے علاوہ کچھ اور گاؤں کو بھی اپنی چپٹ میں لے لیاتھا۔