بھٹکل 27/ستمبر (ایس او نیوز) پڑوسی قصبہ شیرور میں ایک ٹینکر کے بائک سے ٹکرانے کے نتیجے میں بائک سوار گنیش (24) کی موقع پر ہی موت واقع ہوگئی۔ ذرائع سے ملی اطلاع کے مطابق گنیش کاتعلق ضلع اُترکنڑا کے ڈانڈیلی سے ہے، البتہ وہ بھٹکل میں ایک کمپنی کے لئے ڈیلیوری بوائے کی حیثیت سے کام کررہا تھا۔

 شام قریب چھ بجے گنیش اپنی بائک پر سوار کنداپور سے بھٹکل آرہا تھا کہ پیچھے سے ایک ٹینکر نے غالباً اوورٹیک کرنے کی کوشش میں بائک کو ہی روند ڈالا۔ بتایا گیا ہے کہ ٹکر لگتے ہی گنیش ٹینکر کے ایک پہیے کی زد میں آگیا اور موقع پر ہی دم توڑ دیا۔

نعش کو پوسٹ مارٹم کے لئے بیندور لے جایا گیا ہے جہاں سے رات دیر گئے تک بھٹکل لائے جانے کی توقع ہے۔

بیندور پولس تھانہ میں حادثے کے تعلق سے معاملہ درج کیا گیا ہے اور پولس چھان بین کررہی ہے۔