شرتھ کے قاتلوں کو گرفتار کرنے کے لئے وجرے دیہی سوامی سراغ کا انکشاف کریں: یوٹی قادر

Source: S.O. News Service | By Jafar Sadique Nooruddin | Published on 15th July 2017, 10:40 PM | ساحلی خبریں |

منگلورو:15/جولائی (ایس او نیوز) وزیر غذا یو ٹی قادر نے وجرے دیہی مٹھ کے سوامی شکھرانندا سے مطالبہ کیا ہے کہ ان کے پاس شرتھ کے قاتلوں سے متعلق جو اہم سراغ ہیں وہ پولیس کو بتائیں تاکہ قاتلوں کو گرفتار کیا جاسکے۔ یہاں ایک پریس کانفرنس کے دوران یوٹی قادر نے کہا کہ اگر سوامی جی کے پاس شرتھ کے قتل سے متعلق واقعی ثبوت اور سراغ موجود ہے تو پھر انہیں تفتیشی افسران کے سامنے اس کا انکشاف کردینا چاہیے۔ورنہ تعزیری(آئی پی سی) قانون کی نظر میں ثبوت چھپانا بھی ایک جرم ٹھہرتا ہے۔مسٹر قادر نے کہا کہ جنوبی کینر ا ضلع میں امن بحال ہونے لگا ہے۔ فرقہ وارانہ شرپسندی کے ملزمین جلد ہی گرفتار ہونگے اس ضمن میں عوام کو بھی تعاون کرنا ہوگا۔انہوں نے یہ بھی کہا کہ شرتھ اور اشرف کے خاندان کو معاوضہ دینے کے سلسلے میں ضابطے کی کارروائی مکمل کرنے کی ہدایت ڈپٹی کمشنر کو دی گئی ہے، جلد ہی اس کے بارے میں اعلان کیا جائے گا۔
 بی جے پی کی طرف سے ان کے خلاف الیکشن میں امیدوار کھڑے کرنے کی باتوں پر یوٹی قادر نے بی جے پی کامذاق اڑاتے ہوئے کہا کہ بی جے پی ان کے خلاف اپنے کسی لیڈر کو کھڑا نہ کرے ورنہ وہ کسی کو منھ دکھانے کے قابل نہیں رہیں گے۔ اس کے بجائے وہ اپنے کسی معمولی کارکن کو چاہے تو ان کے خلاف کھڑا کرسکتے ہیں، کیونکہ ان کے لیڈر سے زیادہ ووٹ ہارنے والاکارکن لے سکتا ہے۔
 

ایک نظر اس پر بھی

یلاپور میں برقی تار چھونے سے دو کسانوں کی موت

ضلع اُترکنڑا کے یلاپور تعلقہ کے  ڈونڈیان کوپّا میں  دوکسان اُس وقت ہلاک ہوگئے جب وہ  منگل شام کو کھیتوں میں کام کاج نپٹا کر واپس گھر جارہے تھے کہ اچانک راستے پر پڑی برقی تار  پر ان کے قدم پڑ گئے۔

کاسر گوڈ میں پانچ سالہ بچے نے دکھایا حاضر دماغی اور بہادری کامظاہرہ؛ دو ساتھیوں کو ڈوبنے سے بچانے میں ہوا کامیاب

ایک پانچ سالہ بچے نے بے مثال حاضر دماغی اور بہادری کا مظاہرہ کرتے ہوئے 20فٹ گہری جھیل میں گرنے والے دو ساتھیوں کو ڈوب کر ہلاک ہونے سے بچالیاجس کی ستائش پورے علاقے میں ہورہی ہے۔

بھٹکل جالی پٹن پنچایت کے لئے کل بدھ کو ہوگا صدارتی انتخاب؛ سید آدم ہوں گے تنظیم کے حمایت یافتہ اُمیدوار

بھٹکل جالی پٹن پنچایت کی صدارت سے عبدالرحیم کے مستعفی ہونے کے بعد اُس جگہ کو پُر کرنے کل بدھ کو  صدارتی انتخاب ہوگا جس کے لئے مجلس اصلاح و تنظیم  نے سید  آدم  پنمبور  کو میدان میں اُتارنے کا فیصلہ کیا ہے۔

اترکنڑا میں 7081مردہ لوگ سرکاری  چاول کھاتے ہوئے پائے گئے؛ ڈپٹی کمشنر کے حکم پر خصوصی مہم کےذریعے ہوا حیرت انگیز انکشاف

 2,427 لوگ مرنے کے بعد بھی سرکاری ریکارڈ میں زندہ رہتے ہوئے ماہانہ وظیفہ لیتے ہوئے پائے گئے ہیں ، اتنا ہی نہیں بلکہ 7081مردہ لوگ ہر مہینہ  سات سات  کلو   راشن  چاول مفت میں لے کر کھانے کا بھی حیرت انگیز انکشاف ہوا ہے، جس کے نتیجے میں سرکاری خزانے کو خطیر رقم کا نقصان ہورہاتھا ۔