چکمنگلور ، ہاسن اور مینگلور میں زوردار بارش کا سلسلہ جاری؛ چارمڈی گھاٹ اور شرڈی گھاٹ پر چٹانیں کھسکنے کی وارداتوں کے بعد روڈ بند

Source: S.O. News Service | By I.G. Bhatkali | Published on 12th June 2018, 4:34 PM | ساحلی خبریں | ریاستی خبریں |

مینگلور12/جون (ایس او نیوز)  چکمنگلور، ہاسن اور ضلع دکشن کنڑا میں موسلادھار بارش کا سلسلہ جاری ہونے  کے بعد آج   ہاسن اور چکمنگلور میں چارمڈی اور شرڈی گھاٹوں پر چٹانیں کھسکنے اور گھنے درختوں کے  روڈ پر گرنے سے  مینگلور۔بنگلور روڈ بند ہونے کی اطلاع موصول ہوئی ہے۔  موصولہ اطلاعات کے مطابق  سڑک کی درستگی کو لے کر شرڈی گھاٹ کو پہلے ہی بند کردیا گیا تھا جس کے بعد  مینگلورسے بنگلور اور میسور جانے کے لئے  چارمڈی گھاٹ کا متبادل راستہ اپنایا جارہا تھا، مگرآج منگل صبح سے دوپہر تک 12 مختلف جگہوں پر چٹانیں کھسکنے کی وارداتیں  پیش آنے کی بعد یہ سڑک بھی بند ہوگئی ہے۔ خبر ملی ہے کہ پوری سڑک پر سواریوں کی لمبی قطاریں لگی ہوئی ہیں اور پورا ٹریفک نظام درہم برہم ہوگیاہے۔ ذرائع نے بتایا کہ چٹانیں کھسکنے کی وارداتوں کے ساتھ ساتھ کئی جگہوں پر گھنے درختوں کے بھی گرنے سے راستے بند ہوگئے ہیں۔

چکمنگلور میں مسلسل بارش سے لوگوں کا پیدل چلنا بھی دشوار ہوگیا ہے، پوری سڑکوں پر یا تو پانی گذررہا ہے یا پھر چٹانیں گری ہوئی ہیں۔ ایس پی اناملائی نے اس موقع پر ایک ٹی وی نیوز چینل سے گفتگو کرتے ہوئے بتایا کہ اب چارمڈی گھاٹ کو سواریوں کے لئے بند کردیا گیا ہے، سڑکوں پر جابجا  چٹانیں گری ہوئی ہیں، انہوں نے دودنوں تک اس راستے سے سفر نہ کرنے کی صلاح دی ہے۔ ایس پی نے بتایا کہ کل پیر شام سے یہاں چٹانیں کھسکنے  کی واردات پیش آرہی ہیں اور  رات بارہ بجے سے ہی یہاں جے سی بی کی مدد سے چٹانوں کو ہٹانے کا کام جاری ہے۔ مگر مختلف علاقوں میں چٹانوں کے کھسکنے کی وارداتیں پیش آئی ہیں۔

خیال رہے کہ اب مینگلور سے بنگلور اور میسور جانے کے لئے  سواریوں کو پتور۔سولیا۔سمپاجے کے روٹ سے جانا ہوگا یا پھر باجے گولی، مالا، کدرے مکھ ہوتے ہوئے جانا ہوگا۔ جو لوگ اُڈپی سے  بنگلورکا سفر کرنا چاہتے ہیں، وہ  باجے گولی۔مالا، کدرے مکھ یا بالیبرے، ہولیکل گھاٹ سے ہوتے ہوئے بنگلور جاسکتے ہیں۔

بتایا جارہا ہے کہ علمی اُصولوں کے خلاف (یعنی غیر سائنٹیفک) ڈرینج سسٹم بنائے جانے سے چٹانوں کے کھسکنے کی وارداتیں پیش آئی ہیں، جس کے نتیجے میں  پورے خطے میں سڑکیں  بند ہوگئی ہیں۔

ایک نظر اس پر بھی

محکمہ جنگلات کی جانب سے ہونے والی ہراسانیوں کے خلاف 23فروری کو سرسی میں ہوگا سی سی ایف دفتر کا محاصرہ

جنگلاتی زمین پر رہائش پزیر افراد کے لئے حقوق فراہم کرنے والے قوانین کی خلاف ورزی کرنے اور بار بار جنگلاتی زمین پر مکانات یا باغاغبانی کرکے زندگی گزارنے والوں پر محکمہ جنگلات کے افسران کی ہراسانی کے خلاف 23فروری کو سرسی میں واقع چیف کنزرویٹر آف فاریسٹ (سی سی ایف) دفتر کا محاصرہ ...

منگلورو سٹی مال کے فوڈ شاپ میں معمولی آتشزدگی؛ فوری طور پر پایا گیا آگ پر قابو؛ معمولی نقصان

منگلورو سٹی مال کی ایک فوڈ شاپ میں آگ لگنے پر تھوڑی دیر کے لئے افراتفری کا ماحول پیدا ہوگیا۔ مگرپانڈیشور علاقے سے فائر بریگیڈ کے افسران نے موقع پر پہنچ کر جلد ہی آگ پر قابو پالیا ۔

مینگلور اور اُڈپی میں پولس افسران کے تبادلے؛ نیشا جیمس اب اُڈپی کی نئی ایس پی اور سندیپ پاٹل مینگلور کے نئے پولس کمشنر

پارلیمانی انتخابات کو لے کر ریاستی حکومت کی جانب سے بڑے پیمانے پر اعلیٰ آفسران کے تبادلے جاری ہیں، اسی مناسبت سے اب اُڈپی اور مینگلور میں اعلیٰ آفسران کے تبادلے کئے گئے ہیں۔

ہوناور: ہیسکام کے افسران راستہ بھٹک گئے۔ پوری رات جنگل میں گزارنے پر ہوئے مجبور

گیر سوپّا ڈیم کے علاقے میں گھنے جنگل سے گزرنے والی 33کے وی بجلی لائن کا معائنہ کرنے کے لئے نکلی ہوئی ہیسکام افسران اور عملے پر مشتمل ایک ٹیم میں شامل دوافسران جنگل میں راستہ بھٹک گئے جس کی وجہ سے انہیں پوری رات جنگل ہی میں گزارنی پڑی ۔

دہشت گردانہ حملے ہندو مسلم اتحاد کو نہیں توڑ سکتے پلوامہ شہید جوانوں کو خراج عقیدت کے دوران شرکاء کا اظہار خیال

بنگلور وپیس آرگنائزیشن کے محمد رفیع دھارواڑکر، ترنگ میوزک اکیڈمی کی نکہت سلطانہ، نوا کرناٹک آٹو ڈرائیور یونین کے نوید خان کے مشترکہ اہتمام سے چہارشنبہ 20؍فروری کوٹاؤن ہال بنگلورکے سامنے پلوامہ میں ہوئے شہید فوجی جوانوں کو موم بتیاں جلا کر ان کے حق میں عقیدت پیش کی گئی ۔