پتور18؍نومبر(ایس او نیوز) دھرمستھلا سے سبرامنیا کی طرف جاتے ہوئے اچلمپاڈی کے قریب ایک کار اور پرائیویٹ بس کے درمیان زبردست تصادم ہوا جس کے نتیجے میں ایک شخص کی موت واقع ہوگئی اور چار افراد سنگین طور پر زخمی ہوگئے ہیں۔

موصولہ رپورٹ کے مطابق یہ حادثہ اس وقت رونما ہوا جب بس بنگلوروسے دھرمستھلا کی طر ف آرہی تھی اور کار دھرمستھلا سے اڈپی کی طرف جارہی تھی۔ہلاک ہونے والا شخص اور زخمی کارکے مسافر تھے۔تصادم اتنا زبردست تھا کہ دونوں گاڑیوں کو بری طرح نقصان پہنچا ہے۔عینی شاہدین کا کہنا ہے کہ بے حد تیز رفتاری او ربے پروائی سے ڈرائیونگ کی وجہ سے یہ حادثہ ہوا ہے۔ بس کا ڈرائیور حادثہ ہوتے ہی موقع پر سے فرار ہوگیا۔زخمیوں کو منگلورو کے اسپتال میں داخل کیا گیاہے۔پولیس نے جائے حادثہ پر پہنچ کر معائنہ کیا اور کیس درج کرلیا ہے۔