کاروار: عادی چور پولیس کی گرفت میں؛ 250گرام سونے کے زیورات برآمد
کاروار12؍اکتوبر (ایس او نیوز) کاروارشہر کے مختلف علاقوں میں چوری کی وارداتیں انجام دینے والاایک ماہر اورعادی چور بالآخر پولیس کے ہتھے چڑھ گیا ہے۔
موصولہ رپورٹ کے مطابق کدرا سرکل انسپکٹرنتیا نند پنڈت کے ہاتھوں گرفتار ہونے والے شخص کانام سنجے مکند پاٹل(۳۳سال) ہے اور اس کے قبضے سے پولیس نے 6 لاکھ روپے مالیت کے 250گرام وزنی سونے کے زیورات اور ایک موبائل فون ضبط کیا گیا ہے۔ کہا جاتا ہے کہ گرفتار شدہ ملزم ہیگڈ ے ایجنسی میں موبائل کی چوری کے علاوہ ملاپور اور دیگر علاقوں میں گھروں میں گھس کر چوری کرنے کی پانچ وارداتوں میں پولیس کو مطلوب تھا۔سرکل پولیس انسپکٹر کے علاوہ پی ایس آئی پُٹا سوامی، اے ایس آئی ساونت اور دیگر عملے نے ا س عادی چور کو گرفتار کرنے کی کارروائی میں حصہ لیا۔