2000روپے کے بھی نقلی نوٹ آگئے، آگے چل کر اسے بند کیا جائے:بابارام دیو

Source: S.O. News Service | Published on 10th January 2017, 9:34 PM | ملکی خبریں | ان خبروں کو پڑھنا مت بھولئے |

رائے پور،10/جنوری (ایس او نیوز/آئی این ایس انڈیا)بی جے پی کے حامی سمجھے جانے والے یوگاگروبابا رام دیو نے نوٹ بند ی کی تعریف کرتے ہوئے کہا ہے کہ بلیک منی کے مسئلے سے نمٹنے کے لیے مستقبل میں 2000روپے کے نوٹوں کی چھپائی بند کرنی چاہیے۔بابا رام دیو نے رائے پور میں پریس کانفرنس میں کہاکہ وہ ہمیشہ سے بڑے نوٹ کے خلاف ہیں، بڑے نوٹوں کے مہلک اثرات نظرآنے لگے ہیں۔اب2000روپے کے جعلی نوٹ بھی آ گئے ہیں، بڑے نوٹ میں وہی مسئلہ ہے، جس پریشانی کے لیے وزیر اعظم نریندرمودی نے اسے واپس لے لیا تھا۔انہوں نے کہا کہ بڑا نوٹ جعلی کرنسی کی شکل میں جلدی چھپتا ہے اور اسے آسانی سے کہیں بھی بھیجا جا سکتا ہے، وہیں اس کو تلاش کرنا بھی مشکل ہوتا ہے۔بابا رام دیو نے کہا کہ آئندہ 2000کے نوٹوں کی پرنٹنگ بند ہونی چاہیے،وہیں چھوٹے نوٹوں کے ساتھ ہی جہاں ضروری ہو،وہاں نقد کا استعمال ہونا چاہیے، ہم جتنا ڈیجیٹل لین دین کی طرف بڑھیں گے، معیشت میں اتنی شفافیت آئے گی۔یوگا گرو نے کہا کہ انہیں وزیر اعظم نریندر مودی پر مکمل بھروسہ ہے اور وہ ملک کے لیے بہترین پالیسیاں بنانے کا کام کر رہے ہیں، وہ ووٹ بینک بنانے کا کم اور ملک بنانے کا کام زیادہ کررہے ہیں۔انہوں نے امید ظاہر کی کہ جلد ہی ’اچھے دن‘آئیں گے۔بابا رام دیو نے نوٹ بند ی کو تاریخی اور جرات مندانہ قدم قرار دیتے ہوئے دعوی کیا کہ ملک کی معیشت میں 80سے 85فیصد بلیک منی ہے، نوٹ کے علاوہ بلیک منی زمین، سونا، معدنیات، صحت اور تعلیم کے میدان میں بھی لگی ہوئی ہے۔وہیں جو بلیک منی ملک سے باہر ہے، وہ کام نہیں آ رہی ہے، حکومت کو ان تمام معاملوں میں کام کرنا چاہیے۔انہوں نے یقین کااظہار کیا کہ جس طرح ملک کے اندرونی نظام سے بلیک منی نکالنے کے لیے اقدامات کئے گئے ہیں، بیرون ممالک سے بھی بلیک منی لانے کی کوشش کی جائے گی۔

ایک نظر اس پر بھی

سوشل میڈیا سے کیوں رہتے ہیں نتیش کماربرہم، اسٹیج پر کیا انکشاف، پہلے بخار وائرل ہوتا تھااب فرضی فوٹو اور ویڈیو وائرل ہوتے ہیں : نتیش کمار 

بہار کے وزیر اعلیٰ نتیش کمار سوشل میڈیا سے خفا ہیں، انہیں سوشل میڈیا نہیں راس آتا ہے ۔ سوشل میڈیا کے تئیں ان کی کیا رائے ہے اس سلسلے میں ا نہوں ا زخود اس کا خلاصہ کیا ہے ۔

آسارام کیس کے متعلق آنے والے فیصلہ کا لیڈران نے خیر مقدم کیا، اب وقت آگیا ہے کہ سچے اور ڈھونگی باباؤں کے درمیان تمیزکی جائے: اشو ک گہلوت 

سیاسی لیڈران اور سماجی کارکنوں نے نابالغ لڑکی کی عصمت دری کے معاملہ میں خود ساختہ بابا آسارام کو عمر قید کی سزا سنائے جانے کے فیصلہ کا استقبال کیا ہے

ہنس راج اہیر نے بائیں باز کی انتہا پسندی والے علاقوں میں موبائل رابطے کا جائزہ لیا 

امور داخلہ کے وزیر مملکت جناب ہنس راج گنگا رام اہیر نے آج یہاں ملک کے بائیں کی انتہا پسندی (ایل ڈبلیو ای) سے متاثرہ اضلاع میں موبائل رابطے کے مسئلے کا جائزہ لینے والی اعلیٰ سطحی میٹنگ کی صدارت کی۔

کابینہ نے راجستھان کے معاملے میں درج فہرست علاقوں کے اعلان کو منظوری دی 

مرکزی کابینہ نے وزیر اعظم جناب نریندر مودی کی صدارت میں آئینی حکم (سی۔ او) 114 بتاریخ12فروری1981کورد کرتے ہوئے آئین ہند کی پانچویں فہرست کے تحت راجستھان کے معاملے میں درج فہرست علاقوں کے ا علان اورنئے آئینی حکم کی اشاعت کو منظوری دی ہے۔

مرکزی وزیر داخلہ گاندھی نگر میں مغربی زونل کونسل کی 23ویں میٹنگ کی صدارت کریں گے 

گجرات، مہاراشٹر، گوا کی ریاستوں اورمرکزکے زیر انتظام علاقے دمن و دیو اور دادرا و نگر حویلی پر مشتمل مغربی زونل کونسل کی23ویں میٹنگ کل گجرات کے شہر گاندھی نگر میں منعقد ہوگی ۔مرکزی وزیر داخلہ راجناتھ سنگھ اس میٹنگ کی صدارت کریں گے۔

راہول گاندھی کل جمعرات کو پہنچ رہے ہیں بھٹکل ؛ جمعہ کو  جائیں گے مینگلور

  مئی 12 کو ہونے والے کرناٹکا اسمبلی انتخابات میں کانگریس کے حق میں پرچار کرنے کل  26اپریل کو اے آئی سی سی صدر راہول گاندھی بھٹکل پہنچ رہے ہیں، جس کے لئے بھٹکل وینکٹاپور میدان میں تیاریاں زوروں سے جاری ہیں۔

بھٹکل انجمن انسٹی ٹیوٹ آف ٹکنالوجی اینڈ مینجمنٹ کے شعبہ ایم بی اے میں طلبا کے شاندار نتائج

انجمن انسٹی ٹیوٹ آف ٹکنالوجی اینڈ مینجمنٹ بھٹکل کے شعبہ ایم بی اے کے فسٹ اور تھرڈ سمسٹر کے نتائج میں کالج طلبا نے بہترین کارکردگی کا مظاہرہ کرتے ہوئے کالج اور شہر کا نام روشن کیاہے۔