نئی دہلی:9 /فروری (ایس اونیوز /آئی این ایس انڈیا)وزیر اعظم نریندر مودی کل آندھرا پردیش کے گنتور، تمل ناڈو کے تیرپپور اور کرناٹک کے ہبلی کا دورہ کریں گے۔ وہ ان ریاستوں میں متعدد ترقیاتی منصوبوں کا افتتاح کریں گے۔وزیر اعظم کی پہلی منزل آندھرا پردیش کا گنتور ہوگا جہاں وہ یتوکار بائی پاس، گنتور میں متعدد ترقیاتی منصوبوں کا افتتاح کریں گے۔ملکی کی توانائی سیکوریٹی کو فروغ دینے کی غرض سے وزیر اعظم انڈین اسٹریٹجک پٹرولیم ریزور لمیٹیڈ (آئی ایس پی آر ایل) کی 1.33 ایم ایم ٹی وشاکھا پٹنم اسٹریٹجک پٹرولیم ریزرو (ایس پی آر) سہولیات کو قوم کے نام وقف کریں گے۔وزیر اعظم آندھرا پردیش کے کرشنا 150گوداوری (کے جی) کے ساحل پرواقع او این جی سی کے وششٹ اور ایس آئی ڈیولپمنٹ پروجیکٹ کا افتتاح کریں گے۔وہ کرشنا پٹنم میں بھارت پٹرولیم کارپوریشن لمیٹیڈ (بی پی سی ایل) کے نئے ٹرمینل کے قیام کا سنگ بنیاد رکھیں گے۔ ان منصوبوں سے آندھرا پردیش اور پڑوسی ریاستوں میں گیس پر مبنی صنعتی اکائیوں کو زبردست فروغ حاصل ہوگا۔ بعد ازاں وزیر اعظم تمل ناڈو کے تیرپپور کے لیے روانہ ہوں گے۔وزیر اعظم تمل ناڈو میں تیرپپور کے پیروما نلّور گاؤں میں متعد ترقیاتی منصوبوں کا افتتاح کریں گے۔ وہ تیرپپور میں ای ایس آئی سی اسپتال کا سنگ بنیاد رکھیں گے۔ 100 بستروں والا یہ جدیدترین اسپتال ای ایس آئی ایکٹ کے تیرپپور اور آس پاس کے علاقوں کے تقریبا ایک لاکھ مزدوروں اور ان کے خاندان کے ارکان کی طبی ضروریات کو پورا کرے گا۔وہ ای ایس آئی سی اسپتال، چنئی کو قوم کے نام وقف کریں گے۔ جدید ترین سہولیات سے آراستہ 470 بستروں والا یہ اسپتال ہر طرح کے معیاری علاج کی خدمات فراہم کرے گا۔وزیر اعظم جناب مودی، چنئی پورٹ سے چنئی پٹرولیم کارپوریشن لمیٹیڈ (سی پی سی ایل) کے منالی ریفائنری تک جانے والی کچے تیل کی نئی پائپ لائن کا بھی افتتاح کریں گے۔ بہترین حفاظتی خصوصیات کا حامل یہ پائپ لائن کچے تیل کی محفوظ اور بھروسہ مند سپلائی کو یقینی بنائے گی نیز تمل ناڈو اور پڑوسی ریاستوں کی ضروریات پوری کرے گی۔وزیر اعظم اے جی۔ڈی ایم ایس میٹرو اسٹیشن سے واشرمین پیٹ میٹرو اسٹیشن تک جانے والی چنئی میٹرو کے ایک سیکشن کے مسافرین خدمات کا بھی افتتاح کریں گے۔ 10 کلو میٹر کا یہ سیکشن چنئی میٹرو کے مرحلہ 150I کا پہلا حصہ ہے۔ اس کے بعد وزیر اعظم کرناٹک کے ہبلی کے لیے روانہ ہوں گے۔وزیر اعظم کے دورے کا پہلا مرحلہ کرناٹک کا ہبلی ہوگا۔ وہ ہبلی کے گبّر میں متعدد ترقیاتی منصوبوں کا افتتاح کریں گے۔ وزیر اعظم انڈین انسٹی ٹیوٹ آف ٹکنالوجی 150 دھاروار اور انڈین انسٹی ٹیوٹ آف انفارمیشن ٹکنالوجی 150 دھاروار کا سنگ بنیاد رکھیں گے۔اس موقع پر دھاروار میں سٹی گیس ڈسٹریبوشن (سی جی ڈی) کو قوم کے نام وقف کیا جائے گا۔ حکومت نے شہریوں کو صاف ایندھن کی ملک بھر میں فراہمی میں اضافے کے لیے سٹی گیس ڈسٹریبوشن (سی جی ڈی) نیٹ ورک کو وسعت دینے پر زور دیا ہے۔ملک کے لیے توانائی کی سیکوریٹی کو یقینی بنانے کے لیے ایک اور قدم کے طور پر وزیر اعظم انڈین اسٹریٹجک پٹرولیم ریزور لمیٹیڈ (آئی ایس پی آر ایل) کی 1.5 ایم ایم ٹی منگلور اسٹریٹجک پٹرولیم ریزرو (ایس پی آر) سہولیات اور 2.5 ایم ایم ٹی پدور ایس پی آر سہولیات کو قوم کے نام وقف کریں گے۔18 کلو میٹر طویل چک جاجور۔مایاکونڈا ریلوے لائن کو ڈبل کیا جانا بھی ایک خاص بات ہوگی ۔ یہ ریلوے لائن 190 کلومیٹر طویل ہبلی 150چیک جاجور سیکشن کو ڈبل کرنے والے پروجیکٹ کا حصہ ہے اور جنوب مغربی ریلوے کے بنگلورو۔ہبلی ریلوے لائن پر واقع ہے۔ اس اہم روٹ کو دہرا کیے جانے سے لائن کی صلاحیت میں اضافہ ہوگا جو بنگلورو کو ہبلی، بیلاگاوی، گوا، پنے اور ممبئی سے جوڑتی ہے۔ اس سے ٹرینوں کی آمد و رفت میں تیزی آئے گی۔