بھٹکل میں چوہے کے بخار پر عوام میں تشویش؛ روک تھام کے لئے تعلقہ میڈیکل آفسر نے جاری کیں ہدایات

Source: S.O. News Service | By I.G. Bhatkali | Published on 12th September 2018, 2:17 PM | ساحلی خبریں |

بھٹکل12؍ستمبر (ایس او نیوز) بھٹکل میں چوہے کے بخاریا Rat Fever کے دو ایک معاملات سامنے آنے کے بعدعوام میں تشویش کی لہر دوڑ گئی ہے۔ شہر میں اس وقت عام سردی بخار کا موسم بھی چل رہا ہے۔ جس کی وجہ سے عوام الجھن کا شکار ہیں اور ذرا سا تیز بخار آنے پر بھی وہ فکر مند ہورہے ہیں۔ 

اس تعلق سے عوام میں بیداری پیدا کرنے اور عوام میں پھیلے خوف وہراس کو دور کرنے کےلئے  بھٹکل تعلقہ ہیلتھ آفیسر ڈاکٹر مورتی راج بھٹ نے آج بدھ کو ضروری ہدایات جاری کی ہیں اور عوام الناس سے مخاطب ہوتے ہوئے کہا کہ اُنہیں  اس طرح کے بخار پر ڈرنے یا خوف میں مبتلا ہونے کی ضرورت نہیں ہے۔  دفتر ساحل آن لائن پہنچ کر چوہے کے بخار کے تعلق سے تفصیلات فراہم کرتے ہوئے انہوں نے  اس بخار کی علامات، علاج، پھیلنے سے روکنے کی تدابیر اوردیگر اُمور پر تفصیلی گفتگو کی۔

ڈاکٹر مورتی راج بھٹ نے بتایا کہ یہ بخار جسے ( leptospirosis ) لیپٹو اسپائروسس کہتے ہیں ایک وبائی مرض ہے جس کے جراثیم چوہے، کتے ، بلی جیسے جانوروں کے فضلات میں پائے جاتے ہیں۔ اگر یہ جراثیم مٹی یا کھانے پینے کی چیزوں میں پہنچ جاتے ہیں تو یہ مرض انسانوں کو لاحق ہوجاتا ہے۔ ننگے پاؤں چلنے ، کھیتی اور باغات میں ننگے پاؤں صاف صفائی کاکام کرنے سے اور جسم پر چھوٹے موٹے زخموں کے رہنے پریہ جراثیم انسان کے جسم میں داخل ہوسکتے ہیں ۔ اسی طرح غذائی اجناس اور پھل فروٹ وغیرہ کھلے رکھ کر چھوڑنے پر بھی یہ جراثیم ان میں داخل ہوکر انسان کو بیمار کرسکتے ہیں۔


ڈاکٹر نے چوہے کے بخار کی علامات بتاتے ہوئے کہ اس میں بہت ہی تیز بخار ہوتا ہے۔ سر میں شدید درد رہتا ہے۔ جسم کے پٹھوں میں بہت زیادہ درد رہتا ہے۔ آنکھیں بہت زیادہ سرخ ہوجاتی ہیں۔ قئے اور دست شروع ہوتے ہیں۔یرقان ؍پیلیا (jaundice)بھی ہوجاتا ہے۔مرض بہت زیادہ بڑھ جانے کی صورت میں مریض کے گردے،پتے کی تھیلی (gall bladder)، پھیپھڑے وغیرہ متاثر ہوتے ہیں جس سے انسان کے ہلاک ہونے کی نوبت آسکتی ہے۔اس مرض کی تشخیص کے لئے خون کی جانچ ضروری ہوتی ہے ، جس کے بعد اس کا علاج کیا جاسکتا ہے۔ 

ڈاکٹر مورتی راج نے بتایا کہ اس مرض سے بچنے کے لئے احتیاطی تدابیر کے طور پر گھروں کو صاف ستھرا اور چوہوں سے پاک رکھا جائے۔ پانی گرم ابالنے کے بعدٹھنڈا کرکے پیا جائے۔کھانے پینے کی چیزیں اور غذا ئی اجناس کو ڈھانک کرچوہوں اور بلی جیسے جانوروں سے بچاکر رکھا جائے ۔تازہ غذائیں کھائی جائیں۔ فروٹ کو کھانے سے پہلے خوب دھوئیں۔ ننگے پاؤں مٹی پر نہ چلیں ۔ کھیت اور باغات میں کام کرتے وقت گم بوٹ کا استعمال کریں۔اپنے گھر اور آنگن و اطراف کے علاقے کو صاف ستھرا رکھیں۔

ڈاکٹر نے بخار ہونے کی صورت میں فوری سرکاری اسپتال سے رُجوع ہونے  اور علاج کرنے کی عوام الناس سے درخواست کی اور کہا کہ سرکاری اسپتال میں چوبیسوں  گھنٹے ڈاکٹر دستیاب ہیں۔

ایک نظر اس پر بھی

منگلورو پولیس نے چوروں کے پاس سے ضبط کیاگیا3.72کروڑ روپے مالیت کا مال ان کے مالکان لوٹایا

منگلورو پولیس کمشنر سندیپ پاٹل کی نگرانی میں منگلورو کے نہرو میدان میں مسروقہ مال ان کے مالکان کو لوٹانے کاپروگرام منعقد کیاگیا۔جس میں سال 2018-19کے درمیان چوروں کے پاس سے برآمد کیا گیا 3.72کروڑ روپے مالیت کا سامان ان کے مالکان کو لوٹادیا گیا۔

منگلورو:بس اور کار کے درمیان تصادم۔ 2خواتین موقع پر ہی ہلاک۔ 2افراد شدید زخمی

پانے منگلورو کے قریب کے ایس آر ٹی سی بس اور کار کے درمیان ہونے والے خطرناک تصادم میں کار میں سواردو خواتین نے موقع پرہی دم توڑدیا جبکہ دو افراد کو شدید زخمی حالت میں منگلورو کے اسپتال میں داخل کیا گیا ہے۔

انڈین نوائط فورم کی طرف سے 27اپریل کو ہوگا’روزگار میلہ اور ورکشاپ‘ کا انعقاد 

نوجوانوں میں بڑھتی ہوئی بے روزگاری کو کم کرنے کے ایک اقدام کے طور پر انڈین نوائط فورم کی طرف سے 27اپریل سنیچرکے روز نوائط کالونی میں واقع’خوشحال‘ہال بھٹکل میں شاندار ’روزگار میلہ ورکشاپ‘ منعقد کیا جارہا ہے۔جس میں بھٹکل تعلقہ اور اطراف کے مقامات سے روزگار کے متلاشی افراد ...

ضلع شمالی کینرا میں ای وی ایم مشینوں کی حفاظت کے لئے گنتی مرکز پر ہورہی ہے سخت پہریداری

8اسمبلی حلقوں پر مشتمل کینرا پارلیمانی حلقے میں پولنگ کے بعد امیدواروں کی قسمت کا فیصلہ جن ای وی ایم مشینوں میں بند ہوگیا ہے انہیں سخت حفاظتی بندوبست کے ساتھ کمٹہ کے اے وی بالیگا کالج میں رکھا گیا ہے۔