شیلانگ میں کرفیو میں دی گئی سات گھنٹے کی ڈھیل
شیلانگ7جون(ایس او نیوز؍آئی این ایس انڈیا) میگھالیہ کے دارالحکومت شیلانگ کے کسی بھی حصے سے گزشتہ 24 گھنٹے کے دوران تشدد کے کسی طرح کے کوئی واقعہ سامنے نہیں آنے کے بعد آج 14 تشدد زدہ علاقوں میں آج سات گھنٹے کے لئے کرفیو میں نرمی برتی گئی ہے ۔ ضلع کے ایک سینئر افسر نے یہ معلومات دی۔ انہوں نے بتایا کہ ضلع انتظامیہ پورے شہر میں کرفیو میں نرمی دینے کے متعلق غورکررہی ہے ۔اعلی حکام نے میڈیا سے گفتگو کرتے ہوئے کہا 14 متاثرہ علاقوں میں کرفیو میں آج صبح سات بجے سے دوپہر دو بجے تک کے لئے جزوی نرمی برتی گئی ہے ۔انہوں نے کہا کہ لیکن موبائل انٹرنیٹ اور پیغام کی خدمات احتیاطی تدابیر کے طور پر اب بھی معطل ہیں۔کل بھی انتظامیہ نے شہر کے ان تشددزدہ ممکنہ علاقوں میں کرفیو میں کچھ وقت کے لئے ڈھیل دی تھی۔گورنر گنگا پرساد نے لوگوں سے امن برقرار رکھنے کی اپیل کی تھی۔ شیلانگ 29 مئی سے تشدد کی لپیٹ میں ہے۔ اس سے پہلے شہر کے پنجاب لائن علاقہ جسے برش کالونی بھی کہا جاتا ہے، میں سکھ باشندوں اور سرکاری بسوں کے خاصی ڈرائیوروں کے درمیان جھڑپ ہوئی تھی۔تشدد کے پیش نظر پورے شہر میں بھاری سیکورٹی سخت کردی گئی ہے ۔ تشدد میں پولیس اہلکاروں اور سی آر پی ایف اہلکاروں سمیت دس افراد زخمی ہو گئے تھے۔بی جے پی کی حمایت میگھالیہ ڈیموکریٹک الائنس حکومت نے پنجابی اکثریتی برش کالونی کو دوسری جگہ منتقل کرنے کے مسئلے کا مستقل حل تلاش کرنے کے لئے نائب وزیر اعلی کی صدارت میں ایک اعلی سطحی کمیٹی بنائی ہے۔ نائب وزیر اعلی نے کل کہا کہ کمیٹی مستقل حل فراہم کرے گی۔ ضلع کے ایک اور اہلکار کے مطابق ریاست کے دارالحکومت میں گزشتہ تین دنوں سے حالات کو بہتر بنانے کے اشارے ہیں۔ انہوں نے کہاکہ 14 ممکنہ علاقوں کو چھوڑ کر باقی علاقے میں معمولات زندگی بہتر ہونے لگی ہے ۔