بھٹکل:31/ جنوری (ایس اؤنیوز)قومی یومِ رائے دہندگان کی مناسبت سے عوام میں ووٹ کی اہمیت اور حلف اٹھانے کا پروگرام آسارکیری کے منڈلیشور مندر ہال میں منعقد کیاگیا۔
پروگرام میں سی ڈی ٹی پی منصوبہ کے منتظم آفیسر کے مری سوامی نے خطاب کرتے ہوئے کہاکہ رائے دہندگان کسی لالچ ،حرص وطمع سے متاثر ہوئے بغیر ہرایک اپنا قیمتی ووٹ استعمال کریں اور ملک کی ترقی میں اپنا رول ادا کریں۔ اپنا ووٹ دینے کے دوران امیدوار کی ذات، دھرم کو نہ دیکھیں، ایماندار ، ایثار و قربانی دینے والے دیانتدار امیدواروں کے حق میں اپنا ووٹ استعمال کریں اس کے ذریعے ملک کی جمہوریت اور اس کے احترام کا تحفظ کرنے کی اپیل کی۔ اس موقع پر منصوبے کے پرکاش جے سی ، سلائی استانی شریا مہالے اور کئی خواتین شریک تھیں۔