بھارت۔ فرانس کے درمیان 14 معاہدے ، یہ دو قابل ممالک کے درمیان شراکت داری: مودی 

Source: S.O. News Service | By Shahid Mukhtesar | Published on 11th March 2018, 10:43 AM | ملکی خبریں | عالمی خبریں |

نئی دہلی10 مارچ(ایس او نیوز؍آئی این ایس انڈیا) فرانسیسی صدر امینل میکرو اور بھارتی وزیر اعظم مودی نے مشترکہ بیان دیا ہے جس میں دونوں ہی ملک کندھے سے کندھے ملا کر چلیں گے۔ مودی۔ میکرو مذاکرات کے بعد دونوں ممالک کے درمیان خفیہ معلومات کے تحفظ پر بھی معاہدہ ہوا۔ اس کے علاوہ سیکورٹی، جوہری توانائی سمیت دیگر شعبوں میں تعاون کو فروغ دینے والے 14 معاہدے پر بھی دستخط کئے گئے۔واضح ہو کہ فرانس کے صدر چار روزہ بھارت کے دورہ پر آ ئے ہیں ۔ ان کاوارانسی جانے کا بھی پروگرام ہے۔اس کے علاوہ وہاں سے مرزا پور بھی جائیں گے جہاں پر ایک سولر پلانٹ کا افتتاح کریں گے۔ مودی نے کہا کہ آج دو رہنماؤں کے درمیان نہیں ؛ بل کہ دو ہم فکر ثقافت کے درمیان شراکت داری ہے۔پی ایم مودی نے یہ بھی اعادہ کیا کہ ہم شانہ بشانہ چلیں گے۔ ہماری شراکت داری صدیوں پرانی ہے، فرانس کی ہر حکومت سے ہمارے اچھے تعلقات رہے ہیں۔وزیر اعظم نے کہاکہ ہمیں یقین ہے کہ ہمارے دو طرفہ تعلقات کے روشن مستقبل کے لئے باہمی تعلقات سب سے اہم پہلوہیں کہ ہمارے نوجوان ایک دوسرے کے ملک کو جانیں، ایک دوسرے کے ملک کو دیکھیں، سمجھیں اور باہمی اشتراک و معاونت سے کام کریں تاکہ ہمارے تعلقات کے لئے ہزاروں افراد نمونہ کے طور پر تیار ہوں۔انہوں نے کہا کہ ہمیں یقین ہے ہمارے دو طرفہ تعلقات روشن مستقبل کے لئے سب سے اہم ثابت ہوں گے ۔ وہیں فرانس کے صدر نے کہا کہ ہمارے بھارت کے ساتھ مضبوط تاریخی تعلقات رہے ہیں۔ ہم تعصب اور دہشت گردی کے خلاف مل کر لڑیں گے۔ہم بھارت کے ساتھ سفارتی شراکت قائم کرر ہے ہیں۔ ہم خفیہ اطلاعات کو بھی اشتراک کرنے کے لئے ایک میکنزم بنانے جا رہے ہیں۔

ایک نظر اس پر بھی

اب مدرسہ تعلیم میں تبدیلی کی تیاری میں مرکزی حکومت ، بورڈ سے منظوری لینا ہوگا لازمی

فروغ انسانی وسائل کی وزارت مدرسہ تعلیم میں تبدیلی کے منصوبہ پر غور و خوض کررہی ہے۔ اس کے پیچھے وزارت کا مقصد مدارس میں پڑھنے والے طلبہ کو اچھی معیار ی تعلیم فراہم کرنا ہے۔ اس منصوبہ کے تحت تعلیمی اداروں کا مدرسہ بورڈ یا پھر اسٹیٹ بورڈ سے الحاق ضروری ہوگا۔

داعش مقدمہ ،اریب مجید کی ضمانت عرضداشت سپریم کورٹ میں داخل، ملزم کے والد کی درخواست پر جمعیۃ علماء نے سپریم کورٹ سے رجوع کیا: گلزار اعظمی

ممنو ع تنظیم داعش کے رکن ہونے اور دہشت گردانہ سرگرمیوں میں ملوث ہونے کے الزامات کے تحت کلیان کے ساکن اریب مجید کی ضمانت عرضداشت ملزم کے والد ڈاکڑاعجاز مجید کی درخواست پر جمعیۃ علماء نے سپریم کورٹ میں داخل کی ہے جس کا ڈائری نمبر 22076/2018 ہے، یہ اطلاع آج یہاں ملزم کو قانونی امداد ...

کولگام میں فوجی ٹکڑی پر حملہ، جوابی کارروائی میں لشکر طییہ کے دو جنگجو جاں بحق 

گورنر راج نافذ ہونے کے بعد بھی جموں و کشمیر میں جنگجوئیت میں کمی نہیں آئی ہے۔ اتوار کو کولگام میں گشت پر نکلی فوج کی ایک ٹکڑی پر گھات لگا کر بیٹھے دہشت گردوں نے حملہ کر دیا۔ حملے کے بعد دہشت گرد وہاں سے فرار ہوگئے۔

امت شاہ کے الزامات پر محبوبہ مفتی کاترکی بہ ترکی جواب، ہر فیصلہ میں بھاجپا کی حمایت شامل تھی : محبوبہ مفتی 

جموں کشمیر کی سابق وزیر اعلی محبوبہ مفتی نے اتوار کو اپنے اوپر لگے جموں اور لداخ کے علاقے کے ساتھ امتیازی سلوک کے الزامات کو مسترد کر تے ہوئے حیرت کا اظہار کیا کہ اگر یہ سچ ہے تو اب تک کسی بھی بی جے پی کے وزیر نے اس کے بارے میں کیوں نہیں کہا۔

ٹرمپ کا غیر قانونی مہاجرین کو فوری طور پر ملک بدر کرنے کا مطالبہ

امریکا میں امیگریشن کے معاملے میں ایک نئی پیش رفت میں صدر ڈونلڈ ٹرمپ نے مطالبہ کیا ہے کہ غیر قانونی مہاجرین کو عدالت سے رجوع کیے بغیر فوری طور پر اْن کے اپنے ملکوں کو واپس بھیجا جائے۔اس حوالے سے ٹرمپ نے اپنی 3 ٹوئیٹس میں کہا کہ امریکا کو مہاجرین کے دھاوے کا سامنا ہے۔

کمبوڈیا میں کوکھ کرائے پر دینے والی 33 حاملہ مائیں گرفتار

کمبوڈیا کی پولیس نے کوکھ کرائے پر دینے والی 33 حاملہ خواتین کو بازیاب کروا کر 5 ملزمان کو حراست میں لے لیا۔بین الاقوامی خبر رساں ادارے کے مطابق کمبوڈیا پولیس نے دارالحکومت نوم پنھ کی ایک عمارت سے 33 حاملہ خواتین کو بازیاب کرالیا ہے جو چینی افراد کے بچوں کے لیے اپنی کوکھ کرائے پر ...