منڈگوڈ:26/اپریل(ایس اؤنیوز) تعلقہ کے ہبلی۔ سرسی روڈ پر واقع کاتور گرام پنچایت حدود کے سنگنلی دیہات کے آبشار کا پانی بہنے والے برج کے قریب ایک انجان عورت کی نعش کا پتہ چلاہے۔

مہلوک عورت قمیص میں ملبوس ہے جس پر نیلے رنگ کے پھول نقش ہیں، عورت کی عمر 35-30کے درمیان بتائی جارہی ہے۔ شبہ جتایا گیا ہے کہ شرپسندوں نے برج سے نیچے پھینک کر پتھر سے کچل کر قتل کیا گیا ہوگا۔ قتل کا شبہ اس وقت ہوا ، جب نعش عوام کی نظروں سے بچنے کے لئے برج کے اندر کھینچ کر رکھی گئی تھی ۔ اسی طرح پتھر سے چہرے کو کچلنے سے نعش کی پہچا ن کرنا مشکل ہورہاہے۔ سرسی ڈی وائی ایس پی ناگیندر شٹی، پی ایس آئی کرن کمار نایک، لکپا نایک جائے وقوع کا دورہ کرتے ہوئے معائنہ کرنے کے بعد کیس درج کرلیا ہے۔