منگلورو: بوری میں لپٹی ہوئی اجنبی شخص کی لاش نالے سے برآمد
منگلورو22؍جولائی (ایس او نیوز) اتّاور کے علاقے میں بابوگُڈّے کے قریب ایک نالے میں پٹ سن کی بوریوں میں لپٹی ہوئی لاش برآمدہوئی ہے جس ابھی شناخت نہیں ہوپائی ہے۔
موصولہ رپورٹ کے مطابق ایک مقامی شخص نے راستے گزرتے وقت نالے میں تھیلے میں بندھی کوئی چیز پڑی ہوئی دیکھی اور اس نے پولیس کو اطلاع دی۔سینئر پولیس افسران نے موقع پر پہنچ کر جانچ کی تو تھیلے اندرسے ایک اجنبی شخص کی لاش برآمد ہوئی۔معاملہ درج کرلینے کے بعد پولیس اس تعلق سے مزید تحقیقات کررہی ہے۔