مینگلور میں 20مار چ سے پانی میں کٹوتی؛ اب ہر 36گھنٹوں بعد پینے کا پانی سپلائی کیا جائے گا: پالیکا مئیر کویتاسُنیل کا اعلان
منگلورو:16/مارچ (ایس او نیوز) منگلورو شہر کو تمبے ڈیم سے ہی پینےکا پانی سپلائی کیا جاتاہے ،شہر کے لئے یہ ڈیم آب حیات کا درجہ رکھتاہے، لیکن ڈیم کو شراوتی ندی سے پانی کا اندرونی بہاؤرک جانےکے نتیجے میں منگلورو مہا نگر پالیکا نے شہر کو پانی سپلائی میں کٹوتی کرتے ہوئے 20مارچ سے ہر 36گھنٹے کے بعد پینے کا پانی سپلائی کئے جانے کا فیصلہ لیا گیا ہے۔ اس باتکی جانکاری پالیکا کی مئیر کویتا سنیل نے دی۔
اپنے دفتر میں پریس کانفرنس کے ذریعے اخبارنویسوں سے گفتگو کرتے ہوئے نومنتخب مئیر کویتا سنیل نے کہاکہ تمبے ڈیم میں فی لحال جوپانی دستیاب ہے مئی کے آخر تک عوام کو پانی سپلائی جاری رکھنےکی خاطر اس طرح کا پیشگی فیصلہ لیا گیا ہے۔ تمبے کے نئے ڈیم میں اور اے ایم آر ڈیم میں پانی کا وافر ذخیرہ موجود ہے۔ اے ایم آر ڈیم میں 6.25میٹر پانی ہےشہر کے لئے 40دنوں تک یہ پانی کافی ہے۔ اسی طرح تمبے میں 4.15میٹر پانی ہے جو 20دنوں کے لئے کافی ہوگا۔ لیکن نیتراوتی ندی سے ڈیم کو جوپانی بہتا ہے وہ رک گیا ہے، پیشگی اقدام کے طورپر یہ فیصلہ لیا گیا ہے۔ سبرامنیا، سلیا وغیرہ میں زبردست بار ش ہوئی ہے، اگر مزید بارش ہوتی ہے اور ڈیم کے اندرونی بہاؤ میں اضافہ ہوتاہے تو یہ فیصلہ واپس لیا جائے گا۔
پالیکا کے کمشنر نذیر احمد نے پریس کانفر نس میں موجود رہتے ہوئے کہاکہ اے ایم آر ڈیم سے ایس ای زیڈ اور ایم آر پی ایل کو ہر دن 15ایم جی ڈی پانی سپلائی کیا جاتا تھا لیکن حالیہ دنوں میں پانی کی قلت کو دیکھتے ہوئے ہردن 10ایم جی ڈ ی پانی سپلائی کرنےکےلئے ضلع ڈپٹی کمشنر نے حکم جاری کیا ہے،اس کے مطابق عمل کیا جائے گا۔ پانی سپلائی کی مختصر تفصیل کچھ اس طرح ہے۔
20مارچ بروز پیر کی صبح 6بجے منگل کی شام 6بجے تک پانی سپلائی بند رہے گی۔ منگل کی صبح 6بجے سے جمعرات کی شام 6بجے تک پانی سپلائی کیا جائے گا۔ سنیچر کی صبح 6بجے سے پیر کی صبح 6بجے تک پانی سپلائی ہوگا۔ پریس کانفرنس میں نائب مئیر رجنیش ، ایم ششی دھر ہیگڈے ، سابق مئیر ہری ناتھ ، مہابل مارل وغیرہ موجود تھے۔