کمٹہ میں دوسرے کنڑا ادبی اجلاس برائے اطفال کا انعقاد : ادب زندگی کا شعور اور آئینہ ہے

Source: S.O. News Service | By Abu Aisha | Published on 22nd January 2019, 8:58 PM | ساحلی خبریں |

کمٹہ:22؍جنوری (ایس او نیوز) تعلقہ کے ہیگڈے دیہات کے سرکاری گرلس اسکول کے روبرو شانتی کامبا مندر کے احاطے میں  کمٹہ تعلقہ کنڑا پریشد کے زیر اہتمام کمٹہ تعلقہ کا دوسرا کنڑا ادبی اجلاس برائے اطفال  طالبہ ارچنا ہیگڈے کی صدارت  میں منعقد ہوا۔

ہیگڈے دیہات کی شانتی کامبا ہائی اسکول کی طالبہ کماری ارچنا ایم ہیگڈے نے اپنے صدارتی خطاب میں کہاکہ بزرگ ادیبوں نے اپنے تخلیقی  ادب کے ذریعے ہمیں زندگی کا راستہ بتایا ہے ۔ ان کی رہنمائی میں ہم جیسے طلبا چلیں گے تو ہماری زندگی کی تشکیل بہتر ہوگی۔ ادب صرف موج و مزہ کے لئے نہیں ہے بلکہ ادب زندگی کا آئینہ ہونے کا خیال ظاہر کیا ۔

افتتاحی کلمات مع غرض وغایت بیان  کرتےہوئے اترکنڑا ضلع کنڑا ساہتیہ پریشد کے صدر اروند کرکی کوڑی نے کہاکہ طلبا و طالبات روزانہ اخبارات میں بچوں کے خصوصی صفحات پر شائع ہونے والی کہانیاں ، نظمیں، مضامین کے  مطالعہ کی عادت ڈالیں۔ اسکول کے کتب خانہ میں میسر بہترین کتابوں میں سے ہفتہ میں کم سے کم ایک کتاب کوضرور پڑھیں۔ ادب کامطالعہ کرتے رہیں گے تو ہماری روزمرہ کی زبان میں سدھار کے ساتھ ہمارے اعتماد میں بھی اضافہ ہونے کی بات کہی۔ ڈائٹ کے پرنسپال ایشورنائک نے مہمان خصوصی کی حیثیت سے خطاب کرتے ہوئے کہاکہ کنڑا صرف زبان نہیں بلکہ وہ زندگی کا شعورہے۔ طلبا کنڑا کی طرف زیادہ توجہ دے کر کنڑازبان کو مستحکم کرنے کی تلقین کی۔ اے پی ایم سی صدر دھیرو شانبھاگ نے بھی اپنے خیالات کااظہار کیا۔

تعلقہ کنڑاساہتیہ پریشد صدر ڈاکٹر شری دھر گوڈا نے افتتاحی کلمات پیش کئے ۔ کے جی ایس ہیگڈے اسکول کی طالبات نے ترانہ کرناٹکا پیش کیا۔ منجوناتھ ایم نائک نے نظامت کے فرائض انجام دئیے۔ سریش بھٹ نے شکریہ اداکیا۔  ڈائس پر پرائمری اسکول اساتذہ سنگھا کے ضلعی صدر آنندو گاؤنکر، تعلقہ صدر رویندر بھٹ سوری، صنعت کار لکشمن نائک،  ایس ڈی ایم سی صدر وینکٹیش نائک ،صدر مدرس پرمیشور ہلیر، ہیگڈے گرام پنچایت صدر منجوناتھ پٹگار وغیرہ موجود تھے۔ اجلاس سے پہلے ہیگڈے گرام پنچایت سے اجلاس احاطے تک ریلی نکالی گئی جس میں اجلاس کی صدر ارچنا ہیگڈے ، ضلعی صدر اروند کرکیکوڑی ، تعلقہ صدر ڈاکٹر شری دھر گوڈا اور گاؤ ں کےلوگ شریک تھے۔

ایک نظر اس پر بھی

ساگر مالا منصوبہ: انکولہ سے بیلے کیری تک ریلوے لائن بچھانے کے لئے خاموشی کے ساتھ کیاجارہا ہے سروے۔ سیکڑوں لوگوں کی زمینیں منصوبے کی زد میں آنے کا خدشہ 

انکولہ کونکن ریلوے اسٹیشن سے بیلے کیری بندرگاہ تک ’ساگر مالا‘ منصوبے کے تحت ریلوے رابطے کے لئے لائن بچھانے کا پلان بنایا گیا اور خاموشی کے ساتھ اس علاقے کا سروے کیا جارہا ہے۔

ماڈرن زندگی کا المیہ: انسانوں میں خودکشی کا بڑھتا ہوا رجحان۔ ضلع شمالی کینرا میں درج ہوئے ڈھائی سال میں 641معاملات!

جدید تہذیب اور مادی ترقی نے جہاں انسانوں کو بہت ساری سہولتیں اور آسانیاں فراہم کی ہیں، وہیں پر زندگی جینا بھی اتنا ہی مشکل کردیا ہے۔ جس کے نتیجے میں عام لوگوں اور خاص کرکے نوجوانوں میں خودکشی کا رجحان بڑھتا جارہا ہے۔

منگلورو پولیس نے ایک اور مشکوک کار کو پکڑا؛ پنجاب نمبر پلیٹ والی کار کے تعلق سے پولس کو شکوک و شبہات

دو دن دن پہلے لٹیروں اور جعلسازوں کی ایک ٹولی کے قبضے سے منگلورو پولیس نے ایسی کار ضبط کی تھی جس پر نیشنل کرائم انویسٹی گیشن بیوریو، گورنمنٹ آف انڈیا لکھا ہوا تھا۔اب مزید ایک مشکوک کار کو پولیس نے اپنے قبضے میں لیا ہے۔ جس پر بھی گورنمینٹ آف انڈیا لکھا ہوا ہے۔

شیوپرکاش دیوراج بنے ضلع شمالی کینرا کے نئے ایس پی۔ ونائیک پاٹل کا کلبرگی تبادلہ۔ بھٹکل سب انسپکٹر کا بھی تبادلہ

ضلع شمالی کینرا کے نئے سپرنٹنڈنٹ آف پولیس کے طور پر شیوپرکاش دیوراج کو تعینات کیا گیا ہے، جبکہ موجودہ ایس پی ونائیک پاٹل کا تبادلہ کلبرگی کے لئے کردیاگیا ہے۔

مرڈیشور ساحل پر ماہی گیروں اور انتظامیہ افسران کے درمیان پارکنگ جگہ کو لےکر تنازعہ: ماہی گیروں کا احتجاج  

مرڈیشور میں مچھلی شکار پیشہ کے لئے جگہ مختص کرنے اور ماہی گیر کشتیوں کو  محفوظ رکھنے کےلئے جگہ متعین کرنے کے متعلق   ماہی گیروں اور مقامی انتظامیہ کے درمیان پھر ایک بار تنازعہ پیدا ہوگیا ہے۔

بھٹکل محکمہ تحصیل کے عملے  نے   سیاہ پٹی باندھ کرانجام دیں خدمات : ’ بنگلورو چلو ‘احتجاج کی حمایت

کرناٹکا سروئیر،رونیو مینجمنٹ اور رجسٹرار ملازمین سنگھ (کرناٹکا راجیا بھوماپنا ، کندایا ووستھے متو بھو داخلیگل کاریانرواہک نوکررسنگھ  ) کی جانب سے مختلف مطالبات کو حل کرنےکی مانگ لے کر 4ستمبر کو منائی جارہی ’ بنگلورو چلو ‘ احتجاج کی حمایت میں بھٹکل کے مختلف محکمہ جات کے عملے ...