کمٹہ:14/مئی (ایس اؤنیوز) بی جے پی اور کانگریس پارٹیوں کے اقتدار سے ریاست کے عوام بیزار ہوگئے ہیں، آئندہ ہونے والے ودھان سبھا انتخابات میں ریاست کے لوگ جے ڈی ایس کو ووٹ دے کر حکومت بنانے کی ریاست کے سابق وزیر اعلیٰ کمار سوامی نے عوام سے اپیل کی۔

کمٹہ شہر کا دورہ کرتے ہوئے انہوں نے کہاکہ جے ڈی ایس آئندہ الیکشن میں 113حلقوں پر جیت حاصل کرے گی ، اس میں کمٹہ بھی شامل ہوجائے ، اگر میں وزیرا علیٰ بنا تو عوام کے اعتماد کو ٹھیس نہیں پہنچاؤں گا بلکہ ان کے تمام کام کرنے کے لئے تیار رہنے کی بات کہی۔ سابق رکن اسمبلی دنیکر شٹی کی بی جے پی میں شمولیت پر پوچھے گئے سوال پر کمار سوامی نے جواب دینے سے مکراتے ہوئے کہاکہ ان کو بی جے پی کا ٹکٹ ملنا ممکن ہی نہیں ہے تو پھر میں ان کے تعلق سے کیا بات کروں۔ اس موقع پر انہوں نے کہاکہ ریاست کے ڈگری کالجوں میں ہزاروں عارضی لکچررس خدمات انجام دے رہے ہیں اگر میں وزیر اعلیٰ بنا تو انہیں مستقل کرنے کا وعدہ کیا۔ اس موقع پر جے ڈی ایس ضلع یوتھ ونگ صدر بھاسکر پٹگار، انڈین ہارڈویر کے بی نوراللہ ، روہی داس نایک، کاگال کے محمد داؤد ، پارٹی کے ضلع صدر بی آر نائک، پردیپ نایک وغیرہ موجود تھے۔