بھٹکل کے کھلاڑیوں میں ریاستی ٹیم کی نمائندگی کرنے کا ٹیلنٹ ہے : کٹے ویرا کے زیراہتمام کبڈی ٹورنامنٹ میں عنایت اللہ شاہ بندری  کا اظہار خیال

Source: S.O. News Service | By I.G. Bhatkali | Published on 21st January 2018, 9:53 PM | ساحلی خبریں |

بھٹکل:20/ جنوری (ایس اؤنیوز)پوری ریاست میں کبڈی کے لئے مشہور بھٹکل کبڈی اسوسی ایشن نوجوان  کھلاڑیوں کو مناسب موقع فراہم کرتے ہوئے ترقی دینےمیں اہم کردار ادا کررہی ہے۔ ہمارے کھلاڑیوں میں ریاستی سطح کے مقابلوں میں شریک ہونے اور ٹیم کی نمائندگی کرنے کا بہترین ٹیلنٹ پایا جاتا ہے، اُنہیں مزید آگے بڑھانے کی ضرورت ہے۔ ان باتوں کا اظہار خیال  جے ڈی ایس لیڈر اور کبڈی کے سابق کھلاڑی عنایت اللہ شاہ بندری نے  کیا۔   وہ یہاں کٹے ویرا اسپورٹس کلب مٹھلی اور رنجن انڈین کے اشتراک سے  گرو سدھیندر کالج میدان میں منعقدہ سہ روزہ کبڈی ٹورنامنٹ کے دوسرے دن کے  پروگرام کا درخت کی سیرابی کرتے ہوئے افتتاح کرنےکے بعد خطاب کررہے تھے۔

انہو ں نے کہا کہ  ہم نے اب تک جتنے  نوجوانوں کھلاڑیوں کو موقع فراہم کیا ہے اس پر مزید توجہ دینی کی ضرورت ہے۔ عنایت اللہ شاہ بندری نے کہاکہ بھٹکل کے کبڈی کھلاڑیوں میں اتنی اہلیت ہے کہ وہ کرناٹکا ٹیم کی نمائندگی کرسکتے ہیں۔ ان کو موقع فراہم  کرتے ہوئے ان میں اعتماد پیدا کرنے کی ضرورت پر زور دیا۔ انہوں نے کہا کہ دو تین ٹیموں کو تشکیل دینےکے بجائے بہترین کھیل کے لئے صرف ایک ہی کبڈی کی ٹیم میدان میں اتارنا چاہئے  اور متحدہ جدوجہد کرکے  بہترین  نتائج حاصل کرناچاہئے۔

بی جےپی ضلعی یوتھ مورچہ کے جنرل سکریٹری اور کبڈی کے سابق کھلاڑی  سنیل نائک نے کہاکہ کبڈی سمیت کئی طرح کے کھلاڑیوں کو کٹے ویرا اسپورٹس کلب نے بھرپور تعاون دے کر انہیں آگے بڑھایا ہے۔ ریاستی سطح کے ٹورنامنٹ کا بہترین اور منظم انداز میں منعقد  کرنےپرانہوں نے مبارکباد دی۔ پروگرام کی صدارت کرتے ہوئے رنجن انڈین کی مالک شیوانی شانتارام نے کہاکہ تعلقہ کی ایک بہترین کبڈی ٹیم کو منظم انداز میں تشکیل دینا وقت کی اہم ضرورت ہے، جس سے بہترین ، باصلاحیت کھلاڑی ریاستی اور قومی سطح پر کھیلنا ممکن ہوگا۔ خاص کر ہمیں متحدہ کوشش کرنے سے راستے آسان ہوسکتے ہیں۔ کاسکارڈ بینک کے نائب صدر ایشور نائک نے بھی موقع کی مناسبت سے خطاب کیا۔ 

پروگرام میں ساحل آن لائن کے رپورٹر منجونائک مٹھلی کی تہنیت کی گئی ۔ اس موقع پر یو ممبئی کے کوچ روی شٹی ، ریاستی امیچور کبڈی اسوسی ایشن کے ایم شنموگم ، ڈاکٹر روی نائک، نیو انگلش پی یوکالج کے پرنسپال وریندر شانبھاگ ، کنڑا ساہتیہ پریشد کے گنگادھر نائک وغیرہ موجود تھے۔ 

ڈائس پر پروگرام سےپہلے کبڈی کے مختلف شعبہ جات میں قومی و ریاستی سطح پر کارکردگی کا مظاہرہ کرنےو الے کھلاڑیوں کی تہنیت کی گئی ۔ اسی طرح کالج طلبا کی طرف سے ثقافتی پروگرام پیش کئے گئے۔ 

 آل انڈیا کبڈی اسوسی ایشن کے جنرل سکریٹری دنیش پٹیل نےٹورنامنٹ کے میدان میں منتظمین سے ملاقات کی اور اخبارنویسوں سے بات کرتے ہوئے  ریاستی سطح کا منظم انداز میں ٹورنامنٹ انعقادکرنے  پر ستائش کی اور کہاکہ اسوسی ایشن کی طرف سے جوبھی  تعاون درکار ہے ،  وہ ہر طرح کا تعاون دینے کے لئے تیار ہیں انہوں نے کہا کہ اسوسی ایشن  کبڈی کو اعلیٰ ترقی دینے کی خاطر ہمیشہ  کوشاں ہے اس سلسلے میں جو کچھ تعاون چاہیے وہ دینے کے لئے تیار ہیں۔ اس موقع پر کٹے ویرا سپورٹس کلب مٹھلی کی طرف سے دنیش پٹیل کی تہنیت کرتے ہوئے سونےکی انگوٹھی تحفتاً دی گئی ۔ 

ایک نظر اس پر بھی

ساحلی علاقوں میں زبردست بارش جاری؛ یلاپور میں چٹان کھسک گئی؛ چار گھنٹوں تک نیشنل ہائی وے بند؛ بس پر گرتے گرتے بچی چٹان

ساحلی علاقوں میں بھاری بارش کا سلسلہ جاری ہے اور پوری رات ان علاقوں میں زبردست بارش ہوئی ہے۔ آج صبح ویسے کچھ دیر کے لئے بارش رُکتے رُکتے گررہی ہے، مگر اسمان مکمل طور پر ابرآلود ہے۔

پرتیبھا کارنجی میں بھٹکل انجمن گرلس انگلش میڈیم ہائی اسکول نوائط کالونی کی طالبات کا شاندار پرفارمینس

ہائی اسکول سطح کے کلسٹر لیول پرتیبھا کارنجی پروگرام میں انجمن گرلس ہائی اسکول نوائط کالونی کی طالبات نے اپنی بہترین صلاحیتوں کا مظاہرہ کرتے ہوئے کئی ایک مقابلوں میں اول اور دوم نمبرات سے کامیاب ہوئی ہیں اور جملہ دس طالبات تعلقہ لیول کے لئے منتخب ہوگئ ہیں۔

بھٹکل میں انسداد بدعنوانی بیورو کے زیر اہتمام عوامی رابطہ میٹنگ : رشوت خوری کے ازالے میں عوامی تعاون لازمی : ایس پی شُرتی کا بیان

ضلع انسداد بدعنوانی بیورو پولس تھانہ اترکنڑا کاروار کے زیر اہتمام پیر کو سرکٹ ہاؤس میں بد عنوانی ،رشوت خوری کے ازالے اور عوامی رابطہ میٹنگ  انسداد بدعنوانی دستہ کی ضلع ایس پی کماری شرتی کی صدارت میں منعقد ہوئی۔

یلاپور میں موسلا دھار بارش کے دوران اسکول پر درخت گر پڑا

ضلع شمالی کینرا میں بھاری برسات کی وجہ سے عام زندگی مفلوج ہونے اور کئی مقامات سے نقصانات کی خبریں مل رہی ہیں۔ یلاپور سے موصولہ رپورٹ کے مطابق شہر کے ہائر پرائمری اسکول پر ایک درخت کی شاخ ٹوٹ کر گرنے سے ایک کمرے کی دیوار اور اسکول کے بیت الخلاء کو نقصان پہنچا ہے۔