کاسرگوڈ 6؍فروری (ایس او نیوز) کمبلے پولیس نے دو عادی چوروں کو گرفتار کرلیا ہے جنہوں نے 30جنوری کی رات کو ایک موبائل کی دکان میں ڈکیتی انجام دی تھی اور تین موبائل فون کے علاوہ 50سگریٹ کے پاکٹس اورچار ہزار روپے نقدی لے کر فرار ہوگئے تھے۔

گرفتار ملزمین کے نام اعجاز(22سال)اورہدایت اللہ (23سال) بتائے جاتے ہیں۔پولیس کے بیان کے مطابق ان دونوں نے محمد رفیق کی موبائل شاپ میں چوری کی واردات انجام دینے کے بعد ایک موبائل فون فروخت کردیا تھااور دیگر دو فون سم کارڈ بدل کر خود ہی استعمال کررہے تھے۔ پولیس نے سائبر کرائم شعبے کے تعاون سے ان دونوں کو تلاش کرلیا اور ان کی گرفتاری عمل میں آئی۔کہاجاتا ہے کہ الال پولیس اسٹیشن سمیت کئی پولیس اسٹیشنوں میں ان دونوں کے خلاف چوری ،لوٹ ، موٹر گاڑیوں کی چوری کے علاوہ گائیں چرانے اور گانجہ فروشی کے20سے زیادہ معاملات درج ہیں۔