اترکنڑا ضلع میں 15 نومبر سے ووٹرلسٹ پر نظر ثانی کاکام شروع :ناموں کے اندراج ، اخراج اور منتقلی جیسی سہولیات سے استفادہ کرنے عوام سے اپیل
کاروار:13/ نومبر (ایس اؤنیوز) الیکشن کمیشن آف انڈیا کے حکم کے مطابق بھٹکل سمیت ضلع کے تمام تعلقہ جات میں رائے دہندگان (ووٹر لسٹ) فہرست کو لے کرنئے ناموں کے اندراج اور اخراج ،مقام، محلہ ،پتہ منتقل ، ترمیم، تبدیل کرتے ہوئے خصوصی نظر ثانی کا کام انجام دیا جارہاہے۔
اس سلسلے میں رائے دہندگان اپنی ضروریات کے تحت عرضی نمونہ فارم 6،6اے ،7،8، اے 8کے مطابق اپنی شکایات وغیرہ کو پُر کرکے دے سکتےہیں ، 15نومبر سے 30نومبر تک بوتھ لیول کے افسران گھر گھر ملاقات کرتے ہوئے متعلقہ فارموں کی بھرتی کریں گے۔
عوام سے اپیل کی گئی ہے کہ جن کی عمر 18برس ہوچکی ہے اور ووٹر لسٹ میں نام درج نہیں ہواہے تو اس دوران وہ ضرور اندراج کرائیں۔ اگر کسی کی موت ہوئی ہے تو ان ناموں کے اخراج ،مقام وغیرہ بدل گئے ہیں تو بوتھ لیول پر منتقلی کا موقع دیا جارہاہے۔ عوام اس سے استفادہ کرنے کی سرکاری پریس ریلیز میں اپیل کی گئی ہے۔
