کاروار: کار کا نمبر بدل کر غیرقانونی طورپر شراب سپلائی کرنےو الا ملزم گرفتار :ایک لاکھ روپئے مالیت کی شراب اورکارضبط

Source: S.O. News Service | By Abu Aisha | Published on 8th September 2018, 5:53 PM | ساحلی خبریں |

کاروار:8/ستمبر(ایس اؤ نیوز) کپڑوں کی طرح اپنے کا رکا نمبر بدل بدل کر غیرقانونی طورپر شراب سپلائی کرنےو الے کو جمعہ کی علی الصبح ضلع کرائم برانچ پولس نے گرفتار کئے جانے کا واقعہ پیش آیا ہے۔ ملزم کے متعلق بتایا گیا ہے کہ ملزم پچھلے چند برسوں سے لگاتار گوا سے ہوناور تک گوا شراب سپلائی کاکام انجام دے رہاتھا۔

ملزم کی شناخت کاروار تعلقہ بانڈیشٹا دیہات کے  ونئیے شانتا ناگیکر بتائی گئی ہے۔ موصولہ ذرائع کے مطابق ونئیے اپنے آپ کو اعلیٰ افسران اوربااثر سیاست دانوں کا ساتھ ہونے کاگھمنڈ جتاتے ہوئے غیر قانونی کاموں میں ملوث ہونےکی بات کہی جارہی ہے۔ اپنی خود کی کار سرکاری محکمہ جات  کو کرایہ پر دے کر سکینڈ ہیانڈ کاروں کو خرید کر شراب سپلائی کے لئے استعمال کئے جانے کی ذرائع نے خبر دی ہے۔ کچھ دن پہلے ملزم کی خریدی ہوئی گوا رجسٹریشن نمبر جی اے 08-اے 4981فیٹ پیٹرا کار کانمبر  کے اے 30-ایم 2692بدل کر غیر قانونی طورپر شراب سپلائی کرنےکی کوشش کررہاتھا۔ رات میں گوا کے پولم میں راجو نامی شخص سے قریب 1لاکھ روپئے مالیت کے 475لیٹر شراب خرید کر ہوناور کے گنپتی نامی شخص کوپہنچانے نکلا تھا۔ اس تعلق سے ڈی سی بی پولس کو مصدقہ ذرائع سے خبر ملی تو بینگا گھاٹ پر کار، سپلائی کی جارہی شراب سمیت ملزم کو اپنی تحویل میں لیاہے۔ ڈی سی بی انسپکٹر شرن گوڈا  وی ایچ کی قیادت میں پولس عملے نے کارروائی کو انجام دیا۔ کاروار دیہی پولس تھانے میں کیس درج ہواہے۔

ایک نظر اس پر بھی

اترکنڑا ورکنگ جرنالسٹ اسوسی ایشن کے زیرا ہتمام ماحولیاتی تحفظ ورکشاپ کا انعقاد

ماحولیات سے لگاؤ، تحفظ،چیلنج اور حل کے سلسلے میں منعقد کیا گیا یہ ورکشاپ بہت ہی مفید ہے، اس ورکشاپ سے عوام ماحولیات کے متعلق جوبھی غلط فہمی ہے اس کو دور کرنے میں معاون ہونے کا رکن اسمبلی سنیل نائک نے خیال ظاہرکیا۔

بھٹکل کی لائن اسپورٹس سنٹر’اسکوائر آر ایس اے T20ٹورنامنٹ‘ کی چمپئین:فائنل میں 40رنوں سے رایل کو شکست

منکی کے کوچاپو میدان میں آر ایس اے منکی کی طرف سے منعقدہ ٹی 20کرکٹ ٹورنامنٹ کے فائنل مقابلے میں لائنس اسپورٹس سنٹر نے رایل اسپورٹس سنٹر کو 40رنوں سے شکست دے کر ’اسکوائر آر ایس اے چمپئین ٹروفی ‘ کا خطاب جیتا۔