کاروار:غربت سے گھبرائیں نہیں بلکہ ہمت سےکام لیں تو کامیابی قدم چومے گی :یوم اطفال پر مادھو نایک
کاروار:17/ نومبر (ایس اؤنیوز)خو د اعتماد اور ایماندارافراد کی کامیابی یقینی ہے ، غربت سے خوف نہ کھائیں اور نہ ہی گھبرائیں۔ بھو ک ہی ہمیں ترقی کو راہ دیتی ہے ،نئی نئی راہیں کھولنے پر آدمی مجبورہوتاہے اسی سے وہ ترقی کی منزلیں طئے کرتےہوئے اعلیٰ مقام پاتاہے۔جن شکتی ویدیکے کے صدر مادھو نایک بین الاقوامی یوم ِ اطفال پر بچوں کے ساتھ بات کرتےہوئے ان خیالات اظہار کیا۔
کاجوباگ میں نوجیوتی نلیا میں یوم ِ اطفال کے موقع پر منعقدہ پروگرام میں بچوں سے وہ خطاب کررہے تھے۔ انہوں نے بچوں کو سمجھاتے ہوئے کہاکہ میں خود بھی غربت میں پلا ہوں، فٹ پاتھ پر ناریل بیچ کر، تھیلوں پر سوکر دن گزارے ہیں۔ والدین بچوں کے لئے جائیداد نہ بنائیں ، بلکہ انہیں اپنی جائیداد کو خرچ کرکے بہترین تعلیم سے آراستہ کریں۔ بعض دفعہ تعلیم یافتہ افراد والدین کی جائیداد کو بربا د کردیتے ہیں ، اس لئے بہتر ہے کہ تعلیم کے ساتھ انہیں اچھے اخلاق بھی دیں۔
مہمان خصوصی کی حیثیت سے سینٹ ملاگریس بینک صدر جارج فرنانڈیز نے خطاب کرتے ہوئے تعلیمی اہمیت پر روشنی ڈالی۔ نلیا میں اول جماعت سے 12جماعت تک جو طلبا گھریلو مسائل کی وجہ سے تعلیم سے محروم ہوتےہیں انہیں یہاں تعلیم دی جاتی ہے۔ اس موقع پر کئی ثقافتی پروگراموں کا انعقاد کیاگیا۔ ودھا ن پریشد کی سابق رکن شبھلتا اسنوٹیکر نے پروگرام میں شریک ہوکر بچوں کو مبارکبادی دی ۔ اس موقع پر سومن ڈیسوزا، لیو لوئس، ایم ای شیخ، اسٹانی پنٹو وغیرہ موجود تھے۔