کاروار:14/جون (ایس اؤنیوز)باقاعدہ خون عطیہ کو عادت بنانے سے زندگی اور موت سے لڑنے والوں کو زندگی دینا ممکن ہوگا اور جو کوئی خون عطیہ کرتاہے وہ صحت مندر ہنے کا ڈپٹی کمشنر ایس ایس نکول نے خیال ظاہر کیا۔

وہ یہاں بدھ کو ضلع محکمہ صحت عامہ کے ہال میں منعقدہ یوم خون عطیہ کنندگان پروگرام کا افتتاح کرنے کے بعد خطاب کررہے تھے۔ ڈی سی نے کہاکہ خون کو مصنوعی طورپر تیار یا پیدا کرنا ممکن نہیں ہے، صحت مند انسان خون عطیہ کو اپنا فرض سمجھ کر وقتاً فوقتاً خون عطیہ کرتاہے تو مریضوں اور زخمیوں کا زندہ رہنا ممکن ہوگا۔ اور خون دینے والے کے جسم میں نیا خون بنتا ہے تو وہ ہمیشہ صحت مندبھی رہ سکتاہے۔

کاروار میڈیکل ادارے کے کمیونٹی میڈیشن شعبہ کے ذمہ دار ڈاکٹر ہیم گری نے خون عطیہ پر پرمغز مقالہ پیش کرتے ہوئے کہاکہ خون بہت قیمتی ہے ، اس کو وقت پر استعمال کریں گے تو ایک کی زندگی بچ سکتی ہے، کینسر کے مریض، حاملہ عورتیں ، ہیموفیلیاجیسے مریض خون عطیہ کنندگان پر ہی انحصار کرتے ہیں جس سے ہمیں خون عطیہ کی اہمیت کا اندازا کرسکتے ہیں۔ ضلع محکمہ صحت عامہ کے ڈاکٹر مہابلیشور ہیگڈے نے افتتاحی کلمات پیش کرتے ہوئے کہاکہ موجودہ دنیا دیگر ترقیات کے ساتھ سائنسی میدان میں بھی کافی ترقی کی ہے لیکن خون کو مصنوعی طورپر تیار کرنا ممکن نہیں ہے۔ اسی لئے خون عطیہ کنندگان سے خون لے کر ہی زندگی بچائی جاسکتی ہے، خود آگے بڑھ کر خون کا عطیہ کرنا کتنی اہمیت رکھتا ہے اس کا ہمیں شعور رکھنا چاہئے۔ انہوں نے سائنسی طورپر تفصل سے بتایا کہ کون خون کا عطیہ کرسکتاہے ۔ ڈاکٹر صاحب نے بتایا کہ 18سے 60سال کے درمیانی عمر والے جن کا وزن 45کےجی اور 12.5گرام سے زائد ایچ بی والے صحت مند افراد ہر 3ماہ میں ایک مرتبہ خون عطیہ کرسکتے ہیں۔پروگرام میں بلدیہ کی نائب صدر لیلا بائی تھانیکر، ضلع محکمہ صحت عامہ کے ڈاکٹر جی این اشوک کمار، سرکاری پی یوکالج کے پرنسپال ٹی سی رمیش ، ریڈکراس کے عہدیداران ڈائس پر موجود تھے۔ پروگرام میں مختلف نرسنگ کالج اور سرکاری پی یوکالج کے طلبا و طالبات شریک تھیں۔