کاروار:11/اکتوبر(ایس اؤ نیوز)اترکنڑاضلع ، جوئیڈا تعلقہ کے انموڈ چک پوسٹ پر ایکسائز محکمہ کا عملہ ایک لاری کی جانچ کے دوران 12 لاکھ روپئے لاگت والی گوا شراب ضبط کرنے اور 2کو گرفتار کرنے کا واقعہ پیش آیا ہے۔
ایکسائز عملہ حسب معمول انموڈ چک پوسٹ پر جانچ میں مصروف تھا تو اسی دوران لاری کو اپنی تحویل میں لے کر جانچ کی گئی تو اس میں گوا شراب کی غیر قانونی سپلائی کئے جانے کا پتہ چلا۔لاری میں کل 12لاکھ روپیوں کی گوا شراب غیر قانونی طورپر سپلائی کرنے پر لاری سمیت ضبط کرلیا ۔ جب کہ لاری کی قیمت 12.66لاکھ روپئے بتائی گئی ہے۔ اس سلسلے میں مہاراشٹرا، پونا کے 2افراد کو بھی گرفتارکرلیاگیا ہے جن کی شناخت سچن لکشمن اٹکے اور امر پرکاش یڈگے بتائی گئی ہے۔