کلڈکا: نوجوان پر چاقو سے حملہ : حالات کشیدہ
کلڈکا/منگلورو:13/جون (ایس اؤنیوز)دکان سے پھل وغیرہ خرید کر گھر لوٹ رہے ایک نوجوان پر شرپسندوں کے ایک گروہ نے چاقو سے حملہ کرنے کے نتیجےمیں شدید زخمی ہونے کا تازہ واقعہ کلڈکا میں پیش آیاہے۔
حملہ کا شکار ہوئے نوجوان کی شناخت ابو صالح کے بیٹے محمد خلیل کی حیثیت سے کی گئی ہے جو فی الوقت تمبے کے ایک نجی اسپتال میں زیر علاج ہے۔ خلیل پھل وغیرہ خرید کر جب گھر لوٹ رہا تھاتو راستے میں رتنا کر شٹی اور روی بھنڈاری کے گروہ نے چاقو سے حملہ کرکے فرار ہوئے ہیں۔ حملہ میں خلیل کی آنکھوں کے حصے پر شدید زخم آنے کی اطلاعات موصول ہوئی ہیں۔ واردات کے بعد دونوں گروہوں کے درمیان پتھراؤ ہواہے ، حالات کشیدہ ہیں، دکانیں وغیرہ سب بند ہونے کی ذرائع نے خبر دی ہے۔ واقعہ کی اطلاع پاتے ہی پولس افسران جائے وقوع کی طرف لپکنے کی خبر ہے۔
