اننت کمارہیگڈے مسلمانوں کے ساتھ لین دین کرتے ہیں: سرسی میں جے ڈی ایس کے ممکنہ امیدوار اسنوٹیکر کی پریس کانفرنس
سرسی:22؍مارچ (ایس او نیوز) دھرم کے متعلق بات کرنےو الے ہیگڈے دیگر قوم کے کریمنل فرد کے ساتھ ہماری مندر میں گھومتے ہیں، مسلم نوجوانوں کے ساتھ غیر قانونی سائٹ کا لین دین کرنے کا سابق وزیر اور لوک سبھا انتخابات کے جے ڈی ایس کے ممکنہ امیدوار آنند اسنوٹیکر نے اننت کمارہیگڈے کے خلاف الزام لگایا ہے۔
شہر میں پریس کانفرنس کے ذریعے بات کرتے ہوئے کہاکہ مرکزی وزیر اننت کمار ہیگڈے ضلع کا سب سے خراب کیڑا ہے، سماجی خدمت کے بجائے صرف زبانی سیاست کررہے ہیں۔ اب بی جے پی میں بھی ہیگڈے کے لئے کوئی مقام بھی نہیں، عزت بھی نہیں ہے۔ پہلےپہل یڈیورپا کے بالکل بازو میں بیٹھنے والے اننت کمار کو سرپربٹھا لینے کے بعد تمام لوگ کنارے کئے ہوئے ہیں۔ پارٹی کے ساتھ ضلع کا نام بھی برباد کئے ہیں۔ اننت کمارہیگڈے مودی کے نام پر ووٹ مانگنے کے بجائے اپنے نام پر ووٹ مانگیں ۔
کانگریس، جے ڈی ایس متحدہوکر وزیر آر وی دیش پانڈے ، مارگریٹ آلوا کی قیادت میں انتخابات کے سامنا کریں گے۔ دیش پانڈے کا ایک مقام و احترام ہے ، انتخابات میں جیت حاصل ہوتی ہے تو سرسی کو ضلع بنانے کے ساتھ ساتھ ہمہ جہت ترقی کے لئے کام کرنے کا تیقن دیا۔ پریس کانفرنس میں ڈاکٹر ششی بھوشن ہیگڈے ، بی آر نائک، تمپا مڈیوال، سید مجیب وغیرہ موجود تھے۔ اس کے بعد جے ڈی ایس کارکنان کےساتھ اسنوٹیکر نے میٹنگ کی۔
سداپور میں بھی پریس کانفرنس کے ذریعے بات کرتے ہوئے اسنوٹیکر نےکہاکہ اب تک منتخب ہونے والے عوامی نمائندوں سے ضلع کی کچھ بھی ترقی نہیں ہوئی ہے، ضلع کے ساتھ انصاف کرنےکے لئے ایک موقع دینے کی اپیل کی۔ انہوں نےکہاکہ ضلع میں جے ڈی ایس کے ارکان اسمبلی ، ایم پی نہ ہونے کے باوجود نشست حاصل کئے ہیں، اس کی خاص وجہ یہ ہے کہ یہاں رام کرشنا ہیگڈے کے چاہنے والے ہیں، ایس بنگارپا کے حمایتی ہیں، پسماندہ طبقات، اقلیتی ہیں، ان سب کا ضرور بضرور تعاون ملے گا، ہمیں منتخب ہونےکا بہترین موقع حاصل ہے۔ اننت کمارہیگڈے کو پانچ مرتبہ منتخب کئے ہیں ہمیں صرف ایک موقع دیجئیے ، پھر دیکھئے ہم کیسے کام کرتے ہیں۔
مجھے اعلیٰ کمان نے کہا ہے کہ تم ہی امیدوار ہیں، ہماری مخلوط حکومت ہے ، اگر کانگریس کو بھی سیٹ دی جاتی ہے تو لازماً اس کے لئے کام کریں گے۔ یہ صحیح ہے کہ کانگریس اور جے ڈی ایس کے درمیان کچھ چھوٹی موٹی باتیں ہورہی ہیں ایک مرتبہ اعلان ہوجائے تو سب کچھ ٹھیک ہونے کی بات کہی۔