بھٹکل میں جمعیۃ الحفاظ کے بعد اب جمعیۃ الحافظات کاقیام؛ اب حافظات کےلئےشہر میں ہوگا شاندارمسابقہ؛ جلدسےجلد فارم پُر کرکے جمع کرنے کی اپیل

Source: S.O. News Service | By I.G. Bhatkali | Published on 16th March 2019, 12:33 AM | ساحلی خبریں |

بھٹکل 15/ مارچ (ایس او نیوز) بھٹکل میں جس طرح جمعیۃ الحفاظ قائم ہے اسی طریقہ کار پر بھٹکل میں اب جمعیۃ الحافظات کا بھی قیام عمل میں آیا ہے ، جس کے ساتھ ہی شہر میں بہت جلد بھٹکل کی حافظات کے لئے شاندار مسابقہ حفظ قران بھی  منعقد کیا جائے گا۔

ذرائع سے ملی اطلاع کے مطابق گذشتہ روز آزاد نگر میں واقع جامعۃ الصالحات میں سینکڑوں حافظات کی موجودگی میں جمعیۃ الحافظات کا قیام عمل میں آیا جہاں شہر کی حافظات کے لئے بہت جلد مسابقہ قران منعقد کئے جانے کے تعلق سے بھی فیصلے لئے گئے۔ 

خبر ملی ہے کہ حافظات کے لئے مسابقہ حفظ قران اپریل ماہ کے آواخر میں منعقدکیا جاسکتا ہے اورمسابقہ میں شریک ہونے کے لئے جس طرح جمعیۃ الحفاظ میں حافظوں کی جانچ ہونے کے بعد اُنہیں مسابقہ کے لئے منتخب کیا جاتا ہے، اُسی طرح حافظات کی بھی جانچ کی جائے گی، سبھی حافظات سے درخواست کی گئی ہے کہ وہ پہلی فرصت میں ممبر بنیں۔ بتایا گیا ہے کہ بھٹکل کی حافظات بھلے وہ کسی بھی شہر یا ملک میں مقیم ہوں، وہ  جمعیۃ الحافظات کی ممبر بن سکتی ہیں۔

ذرائع نے بتایا کہ جمعیۃ الحافظات کی ممبرشب کے لئے بھٹکل جامعۃ الصالحات سلطان اسٹریٹ اور جامعۃ الصالحات آزاد نگر میں ممبرشپ فارم دستیاب ہیں، جسے پُر کرکے وہیں پر جمع کرایا جاسکتا ہے۔

مسابقہ کے لئے نو الگ الگ گروپس ہوں گے، دس پارہ ، پندرہ پارہ اور تیس پارہ۔۔۔ دس پارہ کے گروپ میں پندرہ سال سے کم عمر کی حافظات، پندرہ پارہ کے گروپ میں پچیس سال سے کم عمر اور تیس پارہ کے گروپ میں کسی بھی عمر کی حافظات حصہ لے سکیں گی۔ اسی طرح دس پارہ، پندرہ پارہ اور تیس پارہ میں الگ الگ عمر کی حافظات کے بھی گروپس ہوں گے۔ مسابقہ کے تعلق سے مزید جانکاری فارم حاصل کرنے کے دوران لی جا سکتی ہیں۔

مسابقہ کے موقع پر بعض حافظات کو اُن کی کارکردگی کی بنیاد پر خصوصی انعامات سے نوازے جانے کی بھی بات چل رہی ہے، مثال کے طور پر کم عمری میں قران حفظ کرنے یا زائد عمر گذرنے کے بعد قران حفظ کرنے والی خواتین کو اُن کی  کارکردگی کی بنیاد  پر اُنہیں بھی گرانقدر انعامات سے نوازے جانے کا منصوبہ ہے۔اس تعلق سے مزید تفصیلات عنقریب دی جائے گی۔

بھٹکل کی تمام حافظات سے درخواست کی گئی ہے کہ وہ 20 رجب سے پہلے پہلے جامعۃ الصالحات سے فارم حاصل کریں اور فوری اپنا فارم پُر کرکے وہیں پر جمع کرائیں۔

ایک نظر اس پر بھی

جنوبی کینرا ایم پی نلین کمار کٹیل نے کی مہاتما گاندھی کے قاتل ناتھو رام گوڈسے کی حمایت

بھوپال سے بی جے پی کی پارلیمانی امیدوار پرگیہ سنگھ ٹھاکور نے مہاتما گاندھی کے قاتل ناتھو رام گوڈسے کی ستائش کرتے ہوئے کہا تھا کہ وہ ایک اصلی دیش بھکت تھا۔ اس متنازعہ بیان کی ہرطرف سے مذمت ہورہی تھی مگراس کی حمایت میں اب ضلع جنوبی کینرا کے ایم پی نلین کمار کٹیل اور ضلع شمالی ...

سی پی آئی ایم کارکن قتل معاملے میں آر ایس ایس اور بی جے پی کے 7کارکنان کوسزائے عمر قیداورفی کس 1لاکھ روپے جرمانہ

کمیونسٹ پارٹی آف انڈیا (ماکسسٹ) کے پی پویتھرن نامی کارکن کوقتل کیے جانے کے 12سال بعد اس جرم کا ارتکاب ثابت ہونے پر آر ایس ایس اور بی جے پی سے تعلق رکھنے والے 7کارکنان کو عدالت نے عمر قید کی سزا سنائی ہے۔

بھٹکل میونسپالٹی انتخابات کے لئے51 اُمیدواروں نے داخل کیا پرچہ نامزدگی؛ 9 اُمیدوار بلامقابلہ منتخب ہونا طئے؛ 29 مئی کو ہوں گے انتخابات

بھٹکل میونسپالٹی کے لئے 29 مئی کو ہونے والے انتخابات میں جملہ 23 سیٹوں کے لئے 51 اُمیدواروں نے  53 پرچہ نامزدگیاں داخل کی ہیں۔ جمعرات کو پرچہ داخل کرنے کی آخری تاریخ تھی جس کے ساتھ ہی  یہ صاف ہوگیا ہے کہ جملہ 23 سیٹوں میں  سے 9 سیٹوں پر کوئی مقابلہ نہیں ہوگا کیونکہ ان سیٹوں  پر صرف ...

منکی میں عورت اور اُس کی دو بیٹیوں کی نعشیں ملنے کا معاملہ؛ ہوگئی شناخت ؛ کیا اُس کے شوہر نے ہی ان تینوں کا قتل کرایا ؟

قریبی علاقہ منکی میں گذشتہ روز ایک خاتون اور دو لڑکیوں کی نعشیں  سمندر کنارے برآمد ہوئی تھیں، جس کے تعلق سے شبہ ظاہر کیا جارہا تھا کہ انہوں نے خودکشی کی ہوگی، مگر اس معاملے میں ایک نیا موڑ آگیا ہے جس کے مطابق  گمان کیا جارہا ہے کہ اُسی کے شوہر نے  اُس کا قتل کیا ہے۔