ہوناور بار میں بس ڈرائیور قتل معاملہ میں تین گرفتار:ہوٹل مالک کابیٹا فراراور ثبوتوں کو مٹانے کی کوشش
ہوناور:8/ اکتوبر (ایس اؤنیوز)شہر کے پرمیلا بار اینڈ ریسٹورنٹ میں سرکاری بس ڈرائیورقتل معاملہ اہم موڑ لیتا نظر آرہاہے کیونکہ قتل کی واردات کولےکر ثبوتوں کو مٹائے جانےکا پتہ چلاہے۔پولس نے قتل معاملےکو لے کرجن تین ملزمان سے پوچھ تاچھ کررہی تھی انہیں عدالت میں پیش کیا جاچکاہےاور اسی دوران بار کے مالک سانتولین فرنانڈیز کے بیٹے جولئیس فرنانڈیز فرار ہونے کی خبر موصول ہوئی ہے، پولس مفرور ملزم کی گرفتاری کے لئے جال بچھا یا ہے۔
جانچ کے دوران پتہ چلاہےکہ واردات کی جگہ پر قتل کے لئے استعمال کی گئی چاقو اور دیگر اشیاء بار کے عقب میں چھپا کر ثبوتوں کو مٹانے کی کوشش کی گئی ہے۔ اس کو دیکھتے ہوئے پولس پنچ نامہ کے دوران ان اشیاء کو ضبط کرلی ہے۔
قتل واردات کو لے کر باراینڈر یسٹورنٹ کے تین ملازموں سے پولس سخت پوچھ تاچھ کرنے کے بعد ان تینوں کو جے ایم ایف سی عدالت کے سامنے پیش کیا گیا ہے۔ کلیدی گواہوں کے طورپر بار کے مینجر پروین کمار نائک، اسٹاف سندیپ ہلسوار، وکرم نائک سے پوچھ تاچھ کی گئی ہے۔پولس بار ملازمین کو پوچھ تاچھ کے لئے لے جاتے دیکھ کر بارمالک کا بیٹا جولئیس فرنانڈیز فرار ہوگیا ہے۔