ہوناور:بار میں بس ڈرائیور قتل معاملہ : معاملے کوسی اؤ ڈی کے حوالے کرنے ملزم کے گھروالوں کا مطالبہ
ہوناور:9/ اکتوبر (ایس اؤنیوز)شہر کے پرمیلا بار اینڈ ریسٹورنٹ میں بس ڈرائیور منجوناتھ نایک قتل معاملے میں گرفتارشدہ ملزم ایل پی میستا کے خاندان والوں نے اپنے گھر کے سامنے پریس کانفرنس کرتے ہوئے قتل معاملے کو سی اؤ ڈی کو سونپنے کا مطالبہ کرتے ہوئے کہاہے کہ ایل پی میستا بے قصور ہے ، جس دن قتل ہواتھا وہ اس وقت گھر پر تھا، بھگوان کی پوجا کے کام کے لئے پھول نکال رہاتھا کسی کے فون پر بات کرنے کے بعد فوری طور پر گھر سے نکل گیا ، وہ کبھی قتل کرنےو الا نہیں ہے ، بارمالک نے جان بوجھ کر اس کو قتل معاملے میں پھنسانے کا خاندان والوں نے الزام لگایا ہے۔
پریس کانفرنس میں ملزم کی بیوی نے بات کرتے ہوئے کہاکہ میرا شوہر بے قصور ہے، اگر اس کو رہا نہیں کیا گیاتو میں اپنے دونوں بچوں کے ساتھ پولس تھانے کے سامنے خودکشی کرنے کی بات کہی۔ اس موقع پرملزم کےباپ پرشوتم بابو میستا ، ماں شاردا میستا، بیوی انجنا اور ملزم کی دو بہنوں کے علاوہ تعلقہ پنچایت ممبر تکارام نائک، آٹو یونین کے صدر شیوراج میستا، ماہی گیر لیڈر لوکیش میستا، امیش میستا، روی نائک اور ملزم کے بہنوئی ، بھائی ، سسر اور محلہ کی عورتیں اور مرد موجود تھے۔
اس کے بعد معاملے کو لے کر جب ایس آئی آنند مورتی سے بات کی گئی تو انہوں نے کہاکہ جانچ بالکل ٹھیک چل رہی ہے، اس نے خو د ملزم ہونے کا اور ثبوتوں کو مٹانے والے تینوں نے بھی قبول کیا۔ ایس آئی نےوضاحت کی کہ قتل کی واردات کو کسی نے اپنے موبائیل میں قید کیا ہے اس کو پولس کے حوالے کرنے کےلئے نوٹس جاری کی جاچکی ہے۔ ملزم اور ثبوت مٹانےو الے 2ملزموں کو عدالت میں منصف کے سامنے پیش کئے جانے کی بات کہی۔