خلیجی بحران ایک دن میں حل نہیں ہو سکتا:قطر

Source: S.O. News Service | By Shahid Mukhtesar | Published on 15th July 2017, 4:18 PM | خلیجی خبریں |

دبئی،15؍جولائی (ایس او نیوز؍آئی این ایس انڈیا )قطر کے وزیر خارجہ الشیخ محمد بن عبدالرحمان آل ثانی نے کہا ہے کہ دوحہ اور دوسرے خلیجی ملکوں کے درمیان جاری سفارتی تنازع ایک دن میں حل نہیں ہوسکتا۔ ان کا کہنا تھا کہ امریکی وزیر خارجہ ریکس ٹیلرسن کی جانب سے خلیجی بحران کے حل کے لیے کی جانے والی مساعی کو ناکام نہیں قرار دیا جا سکتا۔ وہ بہتر انداز میں تنازع کے سفارتی حل کی کوشش کر رہے ہیں۔دبئی سے نشریات پیش کرنے والے العربیہ نیوز چینل کے مطابق انقرہ میں صحافیوں سے گفتگو کرتے ہوئے قطری وزیر خارجہ نے کہا کہ ان کا ملک امریکہ اور کویت کے ساتھ مل کر بحران کے حل کے لیے کوششیں جاری رکھے گا۔ایک سوال کے جواب میں قطری وزیر خارجہ نے دوسرے خلیجی ملکوں کی طرف سے دہشت گردی کی پشت پناہی کا الزام مسترد کر دیا اور کہا کہ بائیکاٹ کرنے والے ملکوں نے دوحہ کے دہشت گردی کی معاونت میں ملوث ہونے کا ابھی تک کوئی ایک بھی ٹھوس ثبوت مہیا نہیں کیاہے ۔ادھر ترک وزیر خارجہ مولود چاوش اولو نے اپنے قطری ہم منصب کے ہمراہ پریس کانفرنس سے خطاب میں کہا کہ ان کا ملک خلیجی ممالک میں پائے جانے والے اختلافات کو دور کرنے کے لیے موثر کوششیں جاری رکھے گا۔ ان کا کہنا تھا کہ ترک صدر رجب طیب ایردوآن جلد ہی خلیجی ملکوں کا دورہ کریں گے۔ان کا کہنا تھا کہ خلیجی ممالک کو بحران کے حل کے لیے درمیانی راہ اختیار کرنی ہوگی۔ ہم مسئلے کے حل کے لیے تمام پہلوؤں پر جاری کوششوں کا خیر مقدم کرتے ہیں۔خیال رہے کہ خلیجی ملکوں کے درمیان پائے جانے والے سفارتی تنازع کے حل پر بات چیت کے لیے فرانسیسی وزیرخارجہ جون ایف لوڈریان بھی خلیجی ممالک کے دورے پر روانہ ہو رہے ہیں۔

ایک نظر اس پر بھی

شارجہ میں ابناء علی گڑھ مسلم یونیورسٹی کی خوبصورت تقریب؛ یونیورسٹی میں میڈیکل تعلیم صرف 60 ہزار میں ممکن!

علی گڈھ مسلم یونیورسٹی جسے بابائے قوم مرحوم سر سید احمد خان نے دو سو سال قبل قائم کیا تھا آج تناور درخت کی شکل میں ملک میں تعلیم کی روشنی عام کررہا ہے۔اس یونیورسٹی میں میڈیکل کے طلبا کے لئے پانچ سال کی تعلیمی فیس صرف 60,000 روپئے ہے، حالانکہ دوسری یونیورسیٹیوں میں میڈیکل کے طلبا ...

متحدہ عرب امارات میں حفظ قرآن جرم، حکومت کی منظوری کے بغیر کوئی شخص قرآن حفظ نہیں کرسکتا، مساجد میں مذہبی تعلیم اور اجتماع پر بھی پابندی

مشرقی وسطیٰ کے مختلف ممالک میں داخل اندازی اور عرب کی اسلامی تنظیموں کو دہشت گرد قرار دینے کے بعد متحدہ عرب امارات قانون کے ایسے مسودہ پر کام کررہا ہے جس کی رو سے حکومت کی منظوری کے بغیر قرآن شریف کا حفظ بھی غیرقانونی ہوگا۔

سعودیہ میں مقیم غیر قانونی تارکین وطن میں سب سے زیادہ تعداد پاکستانیوں کی نکلی

سعودی عرب کی وزارت داخلہ کے ترجمان میجر جنرل منصور الترکی نے واضح کیا ہے کہ اقامہ و محنت قوانین اور سرحدی سلامتی کے ضوابط کی خلاف ورزی کرنے والے 140 مما لک کے 758570 غیر ملکیوں نے شاہی مہلت سے فائدہ اٹھایا۔