معاہدے کے لیے پندرہ دن ہیں ورنہ کویت سے نکل جائیں:کویت

Source: S.O. News Service | By Safwan Motiya | Published on 22nd July 2016, 6:25 PM | خلیجی خبریں |

کویت سیٹی 22جولائی(ایس اونیوز/آئی این ایس انڈیا)یمن میں خانہ جنگی کے موضوع پر کویت میں مذاکرات جاری ہیں اور ابھی تک کوئی نتیجہ سامنے نہیں آیا ہے۔ تاہم اب کویتی حکومت کا صبر کا پیمانہ لبریز ہوتا دکھائی دے رہا ہے اور اس نے فریقین کو ایک دھمکی دی ڈالی ہے۔کویت کی حکومت نے کہا ہے کہ فریقین کے پاس کسی نتیجے یا معاہدے تک پہنچنے کے لیے صرف پندرہ دن کی مہلت ہے اور اگر اس دوران اگر اتفاق رائے نہ ہوا تو انہیں کویت چھوڑنا ہو گا۔ اقوام متحدہ کے زیر انتظام گزشتہ تین ماہ سے کویت میں یمنی تنازعے کا حل تلاش کرنے کے لیے حوثی باغی اور صدر منصور ہادی کے نمائندے کسی نتیجے پر پہنچنے کے لیے سر جوڑے بیٹھے ہیں تاہم کسی نہ کسی نکتے پر اختلاف راستے کی رکاوٹ بن جاتا ہے۔ ذرائع مطابق مذاکرات میں ناکامی کی بڑی وجہ یہ ہے کہ فریقین اپنے اپنے موقف پر ڈٹے ہوئے ہیں۔کویت کے نائب وزیر خارجہ خالد الجار اللہ نے العربیہ ٹیلی وژن کو بتایا، ہم نے انہیں پندرہ دن کا وقت دیا ہے اور اگر اس دوران یہ لوگ کسی نتیجے پر نہیں پہنچے تو ہم ان سے کہیں گے کہ وہ یہاں سے چلے جائیں۔ ہم بہت طویل عرصے سے ان کی میزبانی کر رہے ہیں۔ ابھی گزشتہ ہفتے کو ہی پندرہ دن کے وقفے کے بعد مذاکرات شروع ہوئے ہیں۔ اقوام متحدہ کے خصوصی مندوب اسمعٰیل ولد شیخ احمد نے کہا کہ یہ مذاکرات شاید اس تنازعے کو حل کرنے اور یمن میں قیام امن کا آخری موقع ہیں۔ ان کے بقول یہ وقت ایسے اہم فیصلے کرنے کا ہے، جن سے آپ اپنے سچے ارادوں اور قومی ذمہ داریوں کو ثابت کرسکیں۔اسمعٰیل ولد شیخ احمد کہتے ہیں کہ شیعہ حوثی باغیوں اور صدر ہادی کے نمائندوں کو اس فائر بندی معاہدے کو مستحکم بنانے کے لیے فیصلے کرنے ہیں، جس پر گیارہ اپریل کو اتفاق رائے ہوا تھا۔ اس فائر بندی معاہدے پر مکمل طور پر عمل درآمد ابھی تک ممکن نہیں ہوا ہے اور بار بار اس کی خلاف ورزی کی جاتی رہی ہے۔ اس کے علاوہ ان مذاکرات میں ایک عسکری کمیٹی بنانے کا بھی فیصلہ کرنا ہے، جس کا کام مورچے خالی کرنے اور اسلحہ واپس کرنے کے عمل کی نگرانی کرنا ہو گا۔ ساتھ ہی فلاحی اداروں کے کاموں میں آسانی پیدا کرنے کا موضوع بھی ایجنڈے میں شامل ہے۔

ایک نظر اس پر بھی

بھٹکل کا کھلاڑی ابوظبی انڈر۔16 کرکٹ ٹیم میں منتخب؛

بھٹکل کے معروف اور مایہ ناز بلے بازاور کوسموس اسپورٹس سینٹر کے سابق کپتان ارشد گنگاولی کے فرزند ارمان گنگاولی کو ابوظبی انڈر۔ 16 کرکٹ ٹیم میں شامل کیا گیا ہے جو جلد منعقد ہونے والے انڈر 16  ایمریٹس کرکٹ ٹورنامنٹ میں اپنے کھیل کا مظاہرہ کریں گے۔

ووٹنگ کے لئے خلیجی ممالک سے لوٹ آئے تیس ہزار سے زائد ملیالیس ؛ گلف کی مختلف جماعتوں پر لگی ہیں بھٹکل اور اُترکنڑا کے ووٹروں کی نگاہیں

ملک میں لوک سبھا کے  دوسرے مرحلہ  کے  انتخابات  جمعہ  26 اپریل کو ہونے والے ہیں ، جس میں  پڑوسی ضلع اُڈپی، مینگلور اور پڑوسی ریاست کیرالہ شامل ہیں۔ مگر اس بار  مودی حکومت سے ناراض   اور ملک میں جمہوری کو اقدار کو باقی رکھنے کے مقصد سے  کیرالہ کے تیس ہزار افراد صرف ووٹنگ کےلئے ...

قطر میں بھٹکل مسلم جماعت کی خوبصورت عید ملن تقریب

بھٹکل مسلم جماعت کی طرف سے حسب سابق۲ شوال  مطابق ١١ اپریل  بروز جمعرات قطر کے مختلف علاقوں میں رہائش پذیر بھٹکلی احباب کے لئے عید ملن کے نام سے ایک گیٹ ٹوگیدر تقریب کا اہتمام کیا گیا جس میں بچوں نے اپنی گوناگو صلاحیتوں کا مظاہرہ پیش کرتے ہوئے شریک حاضرین سے داد و تحسین حاصل ...

متحدہ عرب امارات میں شدید بارش؛ نظام زندگی مفلوج، عمان میں 18 افراد جاں بحق

  متحدہ عرب امارات (یو اے ای) اور اس کے گردونواح میں منگل کو طوفانی بارش ہوئی۔ صورتحال ایسی ہو گئی کہ متحدہ عرب امارات میں ہر طرف پانی ہی پانی نظر آیا۔ سیلاب کے باعث کئی شہر جام ہو گئے۔ وہیں، پڑوسی ملک عمان میں شدید بارشوں سے آنے والے سیلاب کے باعث 18 افراد ہلاک ہو چکے ہیں۔

عمان میں سیلاب سے تباہی، 13 افراد جاں بحق، لاپتہ لوگوں کی تلاش جاری

مشرق وسطیٰ کے شہر عمان میں اس وقت سیلاب نے زبردست تباہی مچا رکھی ہے۔ اتوار سے ہی عمان میں سیلاب کا قہر دیکھنے کو مل رہا ہے اور پیر کے روز بھی موسلادھار بارش کی خبریں سامنے آ رہی ہیں۔ موصولہ اطلاع کے مطابق اب تک اس سیلاب نے 13 لوگوں کی جان لے لی ہے اور کئی دیگر لاپتہ ہیں جن کی تلاش ...

سعودی عربیہ میں روڈ ایکسڈینٹ کے کیس میں پھنسا ہے بھٹکل کا ایک نوجوان؛ بھٹکل کمیونٹی جدہ اور بھٹکل مسلم خلیج کونسل سے مدد کی اپیل

  بھٹکل بیلنی کا ایک  28 سالہ نوجوان محمد خالد ابن محمد جعفر گذشتہ چار سال سے   سعودی عربیہ کے   تيماء  میں معمولی  روڈ ایکسیڈنٹ کے   ایک کیس میں بری طرح پھنس گیا ہے اور عدالت نے اُس پر 34500 ریال (قریب سات لاکھ ہندوستانی رقم ) کا جرمانہ عائد کیا ہے۔ نوجوان کا کہنا ہے کہ اُس کی ...