مالیگاؤں ۲۰۰۸ ؛ بھگواء ملزمین کو جھٹکا، ہائی کورٹ کا اسٹے دینے سے انکار،کل نچلی عدالت میں چارج فریم متوقع

Source: S.O. News Service | By Staff Correspondent | Published on 29th October 2018, 6:58 PM | ملکی خبریں | ان خبروں کو پڑھنا مت بھولئے |

ممبئی ۲۹؍ اکتوبر(پریس ریلیز/ایس اونیوز)مالیگاؤں ۲۰۰۸ء بم دھماکہ معاملے میں آج بھگواء ملزمین کو اس وقت زبردست جھٹکا لگا جب ممبئی ہائی کورٹ کی دو رکنی بینچ نے نچلی عدالت کے چارج فریم کیئے جانے والے فیصلہ پر اسٹے دینے سے انکار کردیا ، حالانکہ ہائی کورٹ نے نچلی عدالت کے فیصلہ کے خلاف داخل اپیل کو سماعت کے لیئے قبول کرتے ہوئے معاملے کی سماعت ۲۱؍ نومبر کو کیئے جانے کے احکامات جاری کیئے۔

متاثرین کو قانونی امداد فراہم کرنے والی تنظیم جمعیۃ علماء مہاراشٹر (ارشد مدنی) کے دفتر سے موصولہ اطلاعات کے مطابق آج ممبئی ہائی کورٹ کی دو رکنی بینچ کے جسٹس ایس ایس شندے اور جسٹس گڈگری کے سامنے ملزم کرنل شریکانت پروہیت اور دیگر ملزمین نے نچلی عدالت کے فیصلہ کے خلاف اپیل داخل کرتے ہو ئے چارج فریم کیئے جانے والے حکم نامہ پر اسٹے دیئے جانے کی درخواست کی تھی جسے مداخلت کار کی مداخلت کے بعد عدالت نے مسترد کردیا جس سے نچلی عدالت کو چارج فریم کرنے میں آسانی ہوگی۔

ملزم کے وکیل ششی کانت شیودے نے عدالت سے نچلی عدالت کے فیصلہ پر اسٹے دیئے جانے کی گذارش کی جس کی جمعیۃعلماء مہاراشٹر کی جانب سے مقرر کردہ وکلاء عبدالمتین شیخ ، شاہد ندیم اور ساجد قریشی نے مخالفت کی اور عدالت کو بتایا کہ سپریم کورٹ اور ہائی کورٹ نے مقدمہ کی جلد از جلد سماعت کیئے جانے کے احکامات جاری کیئے ہیں لہذا اب مزید اسٹے نہیں دیا جانا چاہئے۔حالانکہ کرنل پروہیت کے وکیل نے عدالت سے بہت منت وسماجت کی لیکن عدالت نے اسے کسی بھی طرح کی راحت دیئے جانے سے انکار کردیا۔

آج کی عدالتی کارروائی کے بعد یہ امید ہوگئی ہیکہ کل خصوصی این آئی اے عدالت ملزمین پر چارج فریم کردیگی اور باقاعدہ مقدمہ کی سماعت کا آغاز ہوجائے گا۔

اسی درمیان متاثرین کو قانونی امداد فراہم کرنے والی تنظیم جمعیۃعلماء مہاراشٹر قانونی امداد کمیٹی کے سربراہ گلزاراعظمی نے کہا کہ بھگواء ملزمین اگر ممبئی ہائی کورٹ کے فیصلہ کے خلاف سپریم کورٹ سے رجوع ہوتے ہیں تو جمعیۃ علماء سپریم کورٹ میں بھی ان کی مخالفت کریگی۔

واضح رہے کہ گذشتہ دنوں خصوصی این آئی اے عدالت نے اپنے تفصیلی فیصلہ میں کہا تھا کہ ملزمین پر یو اے پی اے قانون کا اطلاق جائز ہے جس کے بعد سے ہی بھگواء ملزمین نچلی عدالت کے فیصلہ پر اسٹے حاصل کرنے کے لیئے ایڑی چوٹی کا زور لگائے ہوئے ہیں لیکن آج ان کی ساری امیدوں پر ہائی کورٹ نے پانی پھیر دیا۔
 

ایک نظر اس پر بھی

جے پی سی سے جانچ کرانے کا راستہ ا بھی کھلا ہے، عام آدمی پارٹی نے کہا،عوام کی عدالت اورپارلیمنٹ میں جواب دیناہوگا،بدعنوانی کے الزام پرقائم

آپ کے راجیہ سبھا رکن سنجے سنگھ نے کہا ہے کہ رافیل معاملے میں جمعہ کو آئے سپریم کورٹ کے فیصلے کے باوجود متحدہ پارلیمانی کمیٹی (جے پی سی) سے اس معاملے کی جانچ پڑتال کرنے کا اراستہ اب بھی کھلا ہے۔

رافیل پر سپریم کورٹ کے فیصلے کے بعد ، راہل گاندھی معافی مانگیں: بی جے پی

فرانس سے 36 لڑاکا طیارے کی خریداری کے معاملے میں بدعنوانی کے الزامات پر سپریم کورٹ کی کلین چٹ ملنے کے بعد کانگریس پر نشانہ لگاتے ہوئے بی جے پی نے جمعہ کو کہا کہ کانگریس پارٹی اور اس کے چیئرمین راہل گاندھی ملک کو گمراہ کرنے کیلئے معافی مانگیں۔

بھٹکل کے مرڈیشور میں دو لوگوں پر حملے کی پولس تھانہ میں دو الگ الگ شکایتیں

تعلقہ کے مرڈیشور میں کل جمعرات کو  دو لوگوں پر حملہ اور پھر جوابی حملہ کے تعلق سے آج مرڈیشور تھانہ میں دو الگ الگ شکایتیں درج کی گئی ہیں اور پولس نے دونوں پارٹیوں کی شکایت درج کرتے ہوئے چھان بین شروع کردی ہے۔

مرڈیشور میں غیر ضروری بات کو لے کر ماحول خراب کرنے کی کوشش؛ سری رام سینا لیڈر اسپتال میں داخل

تعلقہ کے مرڈیشور میں  سری رام سینا  ضلعی صدر مسلم نوجوانوں سے اُلجھنے کے بعد زخمی ہو کر سرکاری اسپتال میں داخل ہونے کی واردات پیش آئی ہے، جس کے بعد سوشیل میڈیا پر زخمی شخص  کے فوٹو کے ساتھ مسیجس پھیلاکر عوام میں انتشار پیدا کرنے کی کوشش ہورہی ہے۔

گوا کے افسران نے10لاکھ روپے مالیت کی مچھلیاں برباد کردیں۔کاروار کے مچھلی فروش کا الزام

ضلع شمالی کینرا کے ماہی گیروں کے لیڈر نے الزام لگایا ہے کہ گواحکومت انتقامی کارروائی کی راہ اپناتے ہوئے تمام قانونی تقاضے پورے کرنے کے بعدبھی کرناٹکا سے گوا میں لے جائی مچھلیوں کوتباہ کررہی ہے۔

منگلورومیں نوجوان کو اغوا کرکے تاوان وصول کرنے والے نکلے منشیات فروش۔ 2.89لاکھ روپے مالیت کی اشیاء ضبط

چند دن پہلے فالنیر علاقے سے شماق نامی نوجوان کو اغوا کرنے اور بعد میں 50ہزار روپے تاوان وصول کرکے چھوڑنے والے کے الزام میں گرفتار کیے گئے گوتم(۲۸سال) اور لوئی ویگس (۲۶سال)کے بارے میں معلوم ہوا ہے کہ وہ منشیات فروشی کے دھندے میں ملوث ہیں۔