شاہ سلمان، السیسی کے درمیان رابطہ، دہشت گردی سمیت امور پر تبادلہ خیال
ریاض،2؍ نومبر(ایس او نیوز؍آئی این ایس انڈیا)سعودی عرب کے فرمانروا شاہ سلمان بن عبدالعزیز نئے گذشتہ روز مصری صدر عبدالفتاح السیسی سے ٹیلیفون پر بات چیت کی۔ دونوں رہ نماؤں میں ہونے والی گفت و گو میں دوطرفہ تعلقات کے فروغ، دہشت گردی کے خلاف جاری جنگ میں باہمی تعاون اور دیگر باہمی دلچسپی کے امور پر تبادلہ خیال کیا گیا۔ ٹیلیفون پر بات کرتے ہوئے دونوں رہ نماؤں نے مصر اور سعودی عرب میں بھائی چارے اور دوستی کے فروغ اور دونوں برادر قوموں کو ایک دوسرے کیقریب لانے کے لیے مزید اقدامات پر بھی اتفاق کیا۔سعودی خبر رساں ادارے ’ایس پی اے‘ کے مطابق بات چیت میں مشترکہ عرب ایکشن پلان کو آگے بڑھانے اور دہشت گردی کے خلاف جنگ میں تعاون کو مضبوط بنانے سے بھی اتفاق کیا۔شاہ سلمان اور صدر السیسی کے درمیان ہونے والی بات چیت میں علاقائی مسائل اور ان کے حل کے حوالے سے دونوں ملکوں کے موقف میں ہم آہنگی پر بھی بات چیت کی گئی۔دونوں رہ نماؤں نے دو طرفہ چیلنجزسینمٹنے کے لیے مشترکہ حکمت عملی اپنانے اور ہم آہنگی کے لیے صلاح مشورہ جاری رکھنے سے بھی اتفاق کیا۔