دْبئی نے دْنیا کے بلند ترین ہوٹل کا اپنا ہی ریکارڈ توڑ دیا

Source: S.O. News Service | By Shahid Mukhtesar | Published on 12th February 2018, 9:05 PM | خلیجی خبریں |

دبئی 12فروری (ایس او نیوز؍آئی این ایس انڈیا )متحدہ عرب امارات کے عالمی تجارتی وثقافتی مرکزدبئی کو گینز بک میں نئے ریکارڈ قائم کرنے والے شہروں میں شمار کیا جاتا ہے۔ دنیا کی بلند ترین عمارت برج الخلیفہ کے بعد دنیا کا بلند ترین ہوٹل بھی دبئی میں بنایا گیا تھا مگر دبئی نے بلند ترین ہوٹل کا اپنا سابقہ ریکارڈ توڑ دیا ہے۔العربیہ ڈاٹ نیٹ کے مطابق سیاحوں کی توجہ کا مرکز رہنے والے دبئی شہر کی حکومت نے 356 میٹر بلند لگڑری ہوٹل تعمیر کرنے کا اعلان کیا ہے۔خیال رہے کہ دبئی سیاحوں کی توجہ کا مرکز سمجھا جاتا ہے۔ 2017ء4 کے دوران مجموعی طورپر 16 ملین سیاحوں نے دبئی کی سیر کی۔دبئی کی شاہراہ الشیخ زاید پر واقع ’جی ڈبلیو میریٹ‘ ہوٹل کی اونچائی 355 میٹر ہے اور یہ اب تک کا دنیا کا بلند ترین ہوٹل ہے۔ دبئی حکومت اسی شاہراہ پر ’جیفورا‘ کینام سے ایک نیا ہوٹل قائم کررہی ہے جس کی لمبائی 356 میٹر ہوگی۔ یہ نہ صرف دبئی کا بلکہ دنیا کا بلند ترین ہوٹل شمار کیا جائے گا۔دبئی محکمہ اطلاعات کے دفتر سے جاری کردہ بیان میں کہا گیا ہے کہ ’جیفورا‘ ہوٹل کا افتتاح آئندہ اتوار کو کیاجائے گا۔ ذرائع ابلاغ میں آنے والی رپورٹس کے مطابق سنہرے رنگ کے اس لگڑری ہوٹل کی 75 منزلیں ہیں۔دبئی میں بلند ترین عمارات میں برج الخلیفہ کی اونچائی 828 میٹر ہے جو دنیا کی بلند ترین عمارت سمجھی جاتی ہے۔ اس کے علاوہ سیون اسٹار ہوٹل بھی بلند ترین عمارتوں میں شامل ہے۔

ایک نظر اس پر بھی

دبئی کے قریب عجمان میں شروع ہورہا ہے نوائط پرئمیر لیگ کا شاندار کرکٹ ٹورنامنٹ؛ پہلے نام درج کرنے والی چھ ٹیموں کو ملے گا ٹورنامنٹ میں موقع

متحدہ عرب امارات کے شہر عجمان میں جنوری 2019 کو نوائط پرئمیر لیگ (این پی ایل) کاشاندار کرکٹ ٹورنامنٹ منعقد کیا جارہا ہے ، جس  میں دبئی یا متحدہ عرب امارات کے شہروں میں مقیم  بھٹکل، شرالی، مرڈیشور اور منکی کے کھلاڑی اپنے جوہر دکھلا سکیں گے۔ اس بات کی اطلاع  این پی ایل کے کنوینر ...

ایران میں گرفتار اُترکنڑا کے ماہی گیروں کی فوری رہائی کا مطالبہ کرتے ہوئے کرناٹکا این آر آئی فورم کا دبئی میں ہندوستانی سفارت کار سے ملاقات

  ریاست کرناٹک کے ضلع اُترکنڑا کے 18 ماہی گیروں کی ایران میں گرفتاری کے بعد اُن کی رہائی کی کوششیں تیز ہوگئی ہیں۔ اس تعلق سے تازہ اطلاع یہ ہے کہ  دبئی میں موجود ماہی گیروں کے رشتہ داروں نے  کرناٹکا این آر فورم کے  اہم ذمہ دار اور قائد قوم جناب ایس ایم سید خلیل الرحمن صاحب سے ...