رکن پارلیمان پرتاپ سمہا کے خلاف غیر ضمانتی وارنٹ جاری
بنگلورو،25؍فروری (ایس او نیوز) رکن پارلیمان پرتاپ سمہا کے خلاف خصوصی عدالت نے غیر ضمانتی وارنٹ جاری کیا ہے۔ معروف ہمہ لسانی اداکار پرکاش رائے کی جانب سے دائر ہتک عزت مقدمہ کی سماعت کے لئے غیر حاضر ہونے کی وجہ سے عدالت نے میسورو۔ کورگ کے رکن پارلیمان پرتاپ سمہا کے خلاف غیر ضمانتی وارنٹ جاری کیا ہے۔ بار بار سمہا کی غیر حاضری کی وجہ سے این بی ڈبلیو جاری کر کے مقدمہ کی سماعت 19مارچ تک ملتوی کی گئی ہے۔