رافیل طیارہ سودا معاملہ :جے پی سی کی تشکیل میں پس وپیش کیوں؟کانگریس

Source: S.O. News Service | By Shahid Mukhtesar | Published on 8th January 2019, 12:30 PM | ملکی خبریں | ان خبروں کو پڑھنا مت بھولئے |

نئی دہلی،8؍جنوری(ایس او نیوز؍یو این آئی)کانگریس نے رافیل طیارہ سودا معاملہ میں سرکار پر قومی سلامتی سے سمجھوتہ کرنے کا الزام لگاتے ہوئے آج کہا کہ اس کی خریداری میں گڑبڑی ہوئی ہے اور سرکار کچھ چھپانا چاہتی ہے ۔اسلئے مشترکہ پارلیمانی کمیٹی(جے پی سی)کی تشکیل نہیں کی جارہی ہے ۔کانگریس کے سینئر لیڈر اور سابق وزیر دفاع اے کے انٹونی نے پیر کو پارلیمنٹ ہاؤس میں منعقد پریس کانفرنس میں کہا کہ ان کی پارٹی لگاتار اس معاملہ پر جے پی سی کی تشکیل کی مانگ کررہی ہے ۔اس میں اگر کچھ گڑبڑی نہیں ہوئی ہے تو سرکار کو جے پی سی پر اعتراض نہیں ہونا چاہئے ،کیونکہ کمیٹی کی تفتیش میں دودھ کا دودھ اور پانی کا پانی ہوجائے گا۔بھارتیہ جنتا پارٹی کی اکثریت کی حکومت ہے اور جے پی سی میں اسی کے ممبر ہوں گے ۔اس کے باوجود جے پی سی تشکیل نہیں کی جارہی ہے ۔اس سے شبہ پیدا ہوتا ہے کہ ضرور کچھ ہے جسے چھپایا جارہاہے ۔انہوں نے ہندوستان ایروناٹکس لمٹیڈ (ایچ اے ایل)معاملہ میں وزیر دفاع نرملا سیتا رمن پر پارلیمنٹ میں غلط بیانی کرنے کا الزام لگایا اور کہا کہ انہوں نے ایک لاکھ کروڑ روپے کا کام ایچ اے ایل کو دینے کی بات کی ہے جبکہ تقریباً 26ہزار کروڑ روپے کا ہی معاملہ کاغذوں میں ہے ۔انہوں نے کہا کہ سلامتی سے جڑے 80فیصد طیارے ایچ اے ایل میں تیار کئے جارہے ہیں،لیکن رافیل کے ایشو پر اس کی ساکھ کو نقصان پہنچایا گیا ہے ۔

سابق وزیر دفاع نے کہا کہ رافیل طیارہ خریداری میں گڑبڑی ہوئی ہے ۔یہ شکایت ان سے بھارتیہ جنتا پارٹی کے سینئر لیڈر سبرامنیم سوامی نے بھی کی تھی۔رافیل طیارہ سودے میں جہاں جہاں گڑبڑی ہوئی ہے اس کولے کر سرکار کے سامنے کانگریس پارٹی نے سوال کھڑے کئے ہیں، لیکن اس کا جواب نہیں دیا جارہاہے ۔سرکار ایک جھوٹ کو چھپانے کیلئے سوجھوٹ بولنے کی کوشش کررہی ہے ۔انہوں نے کہا کہ اس طرح کی بدعنوانی میں بچا نہیں جاسکتا اور وہ جتنا بھاگیں گے ،اتنا ہی پھنسیں گے ۔اسلئے جے پی سی کی تشکیل ضروری ہے ۔

ایک نظر اس پر بھی

وزیراعظم مودی نے کابینہ سمیت سونپا صدرجمہوریہ کو استعفیٰ، 30 مئی کو دوبارہ حلف لینےکا امکان

لوک سبھا الیکشن کے نتائج کے بعد جمعہ کی شام نریندرمودی نے وزیراعظم عہدہ سے استعفیٰ دے دیا۔ ان کے ساتھ  ہی سبھی وزرا نے بھی صدرجمہوریہ کواپنا استعفیٰ سونپا۔ صدر جمہوریہ نےاستعفیٰ منظورکرتےہوئےسبھی سے نئی حکومت کی تشکیل تک کام کاج سنبھالنےکی اپیل کی، جسے وزیراعظم نےقبول ...

نوجوت سنگھ سدھوکی مشکلوں میں اضافہ، امریندر سنگھ نے کابینہ سے باہرکرنے کے لئے راہل گاندھی سے کیا مطالبہ

لوک سبھا الیکشن میں زبردست شکست کا سامنا کرنے والی کانگریس میں اب اندرونی انتشار کھل کرباہرآنے لگی ہے۔ پہلےسے الزام جھیل رہے نوجوت سنگھ سدھو کی مشکلوں میں اضافہ ہونےلگا ہے۔ اب نوجوت سنگھ کوکابینہ سےہٹانےکی قواعد نے زورپکڑلیا ہے۔

اعظم گڑھ میں ہارنے کے بعد نروہوا نے اکھلیش یادو پر کسا طنز، لکھا، آئے تو مودی ہی

بھوجپوری سپر اسٹار نروہوا (دنیش لال یادو) نے لوک سبھا انتخابات کے دوران سیاست میں ڈبیو کیا تھا،وہ بی جے پی کے ٹکٹ پر یوپی کی ہائی پروفائل سیٹ اعظم گڑھ سے انتخابی میدان میں اترے تھے لیکن اترپردیش کے سابق وزیر اعلی اکھلیش یادو کے سامنے نروہا ٹک نہیں پائے۔

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...

ایچ کے پاٹل نے راہل گاندھی کو بھیجا استعفیٰ

ریاست میں کانگریس کے تشہیری مہم کمیٹی کے صدر ایچ کے پاٹل نے لوک سبھا انتخابات میں ریاست میں پارٹی کی شکست کی اخلاقی ذمہ داری لیتے ہوئے اپنے عہدے سے استعفی دینے کی پیشکش کی ہے۔