بھٹکل:2/ فروری (ایس اؤنیوز)مرکزی حکومت کی طرف سے پیش کردہ بجٹ میں محکمہ فلاح وبہبودی خواتینن و اطفال کو امداد مختص نہیں کئے جانے پر سی آئی ٹی یو بھٹکل شاخ نے سخت برہمی کا اظہار کرتے ہوئے کڑی مذمت کی ہے۔

سی آئی ٹی یو نے اس سلسلے میں بھٹکل اسسٹنٹ کمشنر کی معرفت صدر ہند کو میمورنڈم سونپا۔ جس میں کہا گیا ہے کہ مرکزی حکومت کا یہ بجٹ عوام دشمن پالیسی کا مظہر ہے، بچہ فلاح و بہبودی منصوبے کے تحت گذشتہ 42برسوں سے ایمانداری کے ساتھ کام کررہے آنگن واڑی کارکنوں کی تنخواہوں کے اضافہ کا ذکر نہیں کرنا قابل مذمت ہے۔ میمورنڈم میں محکمہ کی امداد میں کٹوتی اور خانگیانہ کی مخالفت کرتے ہوئے راست نقد منتقلی نہ کرنےپر زور دیا ہے۔ اسی طرح پوسٹ کے ذریعے ماؤں کو پیاکٹ غذا مہیا کرنے کی پالیسی کو رد کرنے کا مطالبہ کیا گیا ہے۔ اس موقع پر سی آئی ٹی یو کی پدماوتی نائک، سدھابھٹ، کویتانائک، سبھاش کوپی کر ، گیتا نائک وغیرہ موجود تھے۔