چھتیس گڑھ الیکشن: بی جے پی کا انتخابی منشور آج جاری ہوگاخوش کن اعلانات متوقع،’سب کاساتھ سب کاوکاس ‘پرزورممکن

Source: S.O. News Service | By Staff Correspondent | Published on 3rd November 2018, 7:01 PM | ملکی خبریں | ان خبروں کو پڑھنا مت بھولئے |

رائے پور3نومبر(آئی این ایس انڈیا؍ایس او نیوز)انتخابی موسم شروع ہونے کے ساتھ ہی خوش کن اعلانات کی جھڑی لگنے والی ہے۔ چھتس گڑھ میں برسراقتدار بھارتیہ جنتاپارٹی کل اسمبلی انتخابات کے لیے اپنا انتخابی منشور جاری کرے گی۔ پارٹی کے قومی صدر امیت شاہ یہاں منعقد پروگرام میں یہ منشورجاری کریں گے۔

پارٹی ذرائع نے آج یہاں بتایا کہ مسٹر شاہ کل پارٹی کا انتخابی منشور جاری کریں گے۔ اس موقع پروزیراعلیٰ ڈاکٹر رمن سنگھ، ریاست کے انچارج جنرل سکریٹری انل جین سمیت پارٹی کے سینئر لیڈر موجود رہیں گے۔ پارٹی چوتھی بار اقتدار میں واپسی کے لیے دل خوش کن اعلانات کرسکتی ہے۔ ان اعلانات کے ذریعہ سبھی طبقات کو خوش کرنے کی کوشش کیے جانے کی امید ہے۔منشور میں کمیٹی کے کنوینر اور ریاستی حکومت میں وزیر برج موہن اگروال نے اسے حتمی شکل دینے کے لیے کئی میٹنگیں کی جن میں وزیراعلیٰ ڈاکٹر رامن سنگھ بھی شامل ہوئے۔ منشور کو حتمی شکل دینے سے قبل ضلعوں سے بھی پارٹی ارکان کے مشورے طلب کیے گئے۔ ذرائع کے مطابق منشور میں سب کا ساتھ سب کا وکاس نعرے کی تھیم پر زور دینے کی کوشش ہوگی۔

لوگوں کا ماننا ہے کہ ماضی کے تجربات کے پیش نظر اس میں کئی اہم اعلانات کیے جانے امید نہیں ہے کیونکہ پارٹی کی الیکشن سے عین قبل اہم اعلان کی حکمت عملی رہی ہے۔ جس سے اسے فائدہ حاصل بھی ہوتا رہا ہے۔بی جے اسمبلی انتخابات سے کچھ ماہ قبل عوام کو اپنی جانب راغب کرنے والے اعلانات کرکے اسے عمل میں لاکر انتخابی میدان میں اترتی رہی ہے۔ رمن حکومت 2008 میں دو روپے کلو چاول اسکیم شروع کرکے انتخابی میدان میں اتری تھی جبکہ 2013 میں اس نے خوراک کی حفاظت کا قانون نافذ کرکے نیز کسانوں کی امدادی قیمت پر دھان کی خریداری پر 300 روپے فی کوئنٹل بونس دیکر انتخابی میدان میں اتری تھی۔ اس بار 50 لاکھ لوگوں کو موبائل تقسیم کئے جانے اور کسانوں کو دھان کی خرید قیمت پر 300 روپے کے بونس دینے کے ساتھ انتخابی مقابلے میں اتری ہے۔

ایک نظر اس پر بھی

دہلی میں فضائی آلودگی میں دوبارہ اضافہ ،خراب اور انتہائی خراب زمرے کے درمیان پہنچا

قومی دارالحکومت دہلی میں بارش کے بعد آلودگی سے ملی کچھ راحت کے بعد شہر کی فضائی آلودگی دوبارہ بگڑ کر خراب اور انتہائی خراب زمرہ کے درمیان پہنچ گئی ہے۔پڑوسی ریاستوں میں پرالی جلائے جانے اور بارش سے پیدا نمی کی وجہ سے ہوا میں آلودگی عناصر کو منجمد کرنے کی صلاحیت بڑھنے کی وجہ سے ...

ممتا بنرجی اور چندرابابو پر ارون جیٹلی کا حملہ، جن کے پاس چھپانے کیلئے بہت کچھ وہی اپنی ریاست میں گھسنے نہیں دیتے سی بی آئی

وزیر خزانہ ارون جیٹلی نے مغربی بنگال اور آندھرا پردیش کے وزراء اعلی کے ذریعہ اپنی ریاست میں سی بی آئی کی تحقیقات سے روکنے کے فیصلے پرپلٹ وارکیاہے ۔انہوں نے ہفتے کو کہا کہ جن کے پاس چھپانے کے لئے بہت کچھ ہوتا ہے ،وہی سی بی آئی کو اپنی ریاست میں داخل ہونے سے روکتے ہیں۔ارون جیٹلی ...

کانگریس لیڈر نوجوت سنگھ سدھوبولے، وزیراعظم کی شبیہ خراب ہوئی،اس لئے پوسٹرمیں قدگھٹ گیا

کانگریس لیڈر اور پنجاب حکومت میں کابینہ وزیر نوجوت سنگھ سدھونے مرکزی حکومت کو نشانہ بنانے کے دوران کہا کہ 90لاکھ کروڑ روپے بیرون ملک سے تو آئے نہیں،الٹے یہاں سے لوگوں کاپیسہ نکال لیا گیا ۔ خاص بات چیت کے دوران سدھو نے کہا کہ نیرو مودی، ویجے مالیا اور مہول چوکسی جیسے لوگوں کا ...

سبریمالا انتظامیہ سپریم کورٹ سے حکم کو نافذ کرنے کیلئے اضافی وقت کی مانگ کرے گی

سبریمالا پوجا گاہ کا انتظام کرنے والا تراوکور دیوسووم بورڈ (ٹی ڈی بی)پیر کو سپریم کورٹ کا رخ کر کے اس حکم کو لاگو کرنے کے لئے مزید وقت کا مطالبہ کرے گا جس میں حیض کی عمر کی خواتین کوبھگوان ایپامندر میں پوجا کرنے کی اجازت دی گئی تھی۔بورڈ نے ریاست میں حکمران بائیں ڈیمو ڈیموکریٹک ...

سبریمالا میں زائرین کاہجوم امڈا، ہڑتال سے عام زندگی متاثر

ملیالی تقویم کے مقدس مہینے ’ورشچکم‘کے پہلے دن ہفتہ کو ہزاروں زائرین نے آج یہاں بھگوان ایپا کے درشن کئے۔ہندو ایکیاویدی کی خاتون لیڈر کو احتیاطی طور پر حراست میں لئے جانے کے خلاف بلائی گئی 12گھنٹے کی ہڑتال کے باوجود مندر کے صبح تین بجے کھلنے کے بعد سے بچوں سمیت بڑی تعداد میں ...

بھٹکل: نیو انگلش پی یو کالج کے بچوں کا تعلقہ لیول ثقافتی مقابلوں میں بہترین مظاہرہ؛ شہاب الدین انگریز ی مذاکرے میں اول

تعلیمات عامہ اترکنڑا ضلع کی طرف سے پی یوطلبا کے لئے منعقدہ تعلقہ سطح کے ثقافتی مقابلہ جات میں دی نیو انگلش پی یو کالج کے طلبا نے بہترین کارکردگی کا مظاہرہ پیش کرتےہوئے ضلع لیول کے لئے منتخب ہوئے ہیں۔

دمام میں کاسرگوڈ کے ایک شخص کی لاش کی تین سال بعد تدفین

دمام سعودی عربیہ میں تین سال قبل انتقال کرگئے پڑوسی تعلقہ  کاسرگوڈ کیرالہ کے حسینار کنہی (۵۷سال) نامی ایک شخص کی لاش کو تین سال بعد دفنایا گیا۔ بتایا جاتا ہے کہ مرحوم حسینار کنہی کے پاسپورٹ پر درج اس کے  ہندوستانی پتے میں کچھ خامیاں تھیں اور پتہ نامکمل تھا اس لئے سعودی پولیس ...

کمٹہ سب رجسٹراردفتر میں انٹی کرپشن بیورو کا چھاپہ؛ رشوت لینے کے الزام میں آفسر گرفتار

کمٹہ میں واقع سب رجسٹرار اور میریج رجسٹرار کے دفتر میں چل رہی بھاری رشوت خوری کی باتیں تو عام ہیں، لیکن ا س کا ثبوت اس واقعے سے مل جاتا ہے کہ اینٹی کرپشن بیورو کے افسران نے کارروائی کرتے ہوئے سب رجسٹرارشیوانند ایس پاٹل کورشوت خوری کے الزام میں گرفتار کرلیا ہے۔

سی آئی اے کا دعویٰ ، سعودی عرب کے شہزادے نے دیا تھا جمال خشوگی کے قتل کاحکم

امریکی اخبار وشنگتن پوسٹ کے صحافی جمال خشوگی کی موت کو لیکر امریکی کی خفیہ ایجنسی نے بڑا دعوی کیا ہے۔ امریکہ کی سینٹرل انٹیلیجنس ایجنسی ( سی آئی اے ) نے کہا ہے کہ نے صحافی جمال خشوگی کے قتل کے احکام دئے تھے۔