سعودی عرب میں شطرنج چیمپیئن شپ، اسرائیلی کھلاڑی شرکت سے محروم

Source: S.O. News Service | By Shahid Mukhtesar | Published on 28th December 2017, 12:01 PM | خلیجی خبریں |

ریاض27دسمبر (ایس او نیوز؍آئی این ایس انڈیا) ریاض میں ہونے والی شاہ سلمان شطرنج چیمپیئن شپ میں اسرائیلی کھلاڑیوں کو شرکت سے روک دیے جانے کی تصدیق ہو گئی ہے۔ سعودی دارالحکومت میں منعقد ہونے والی چیمپیئن شپ 26 سے 30 دسمبر تک جاری رہے گی۔مغربی ذرائع ابلاغ میں بتایا گیا تھا کہ سعودی عرب نے چیمپیئن شپ میں اسرائیل کی جانب سے شرکت کے خواہش مند تین کھلاڑیوں کے لیے ویزے جارے کرنے سے انکار کر دیا۔رواں سال اکتوبر میں لندن میں ہونے والے ایک معاہدے کے تحت شطرنج کی عالمی چیمپیئن شپ کی میزبانی سعودی عرب کو دی گئی تھی۔ یہ معاہدہ سعودی عرب میں اسپورٹس بورڈ کے چیئرمین ترکی آل شیخ اور شطرنج کی عالمی فیڈریشن سربراہ جیفری بورگ کے درمیان طے پایا تھا۔
 

ایک نظر اس پر بھی

مسجد الحرام میں غیر ملکی شخص کی خودکشی

سعودی عرب کے شہر مکہ میں اسلام کے مقدس ترین مقام مسجد الحرام میں ایک شخص نے خود کشی کر لی ہے۔سعودی عرب کی سرکاری خبر رساں ایجنسی ایس پی اے نے مکہ پولیس کے ترجمان کے حوالے سے بتایا ہے کہ غیر ملکی شہری نے جمعہ کی رات نو بج کر 20 منٹ پر مسجد الحرام کی چھت سے نیچے طواف کرنے کی جگہ پر ...

مسجد نبوی میں سکیورٹی اہلکاروں کی خدمات پر ایک نظر

مسجد نبوی میں آنے والے زائرین کی نظروں میں سعودی سکیورٹی اہل کار نمایاں ترین حیثیت کے حامل نظر آتے ہیں۔ یہ اہل کار مسجد کے تمام حصوں اور راستوں میں خدمات انجام دیتے ہوئے عبادت کے لئے پْرسکون ماحول یقینی بنانے میں مصروف عمل ہوتے ہیں۔

مکہ المکرمہ :ماہ رمضان کے آخری عشرہ میں سکیورٹی انتظامات 70؍لاکھ فرزندان توحید نے عمرہ اداکیا

سعودی حکومت نے رمضان المبارک کے تیسرے عشرہ کے آغاز پر مکہ المکرمہ کے داخلی اور خارجی راستوں پر سخت حفاظتی اقدامات کیے ہیں، مسجد الحرام اور اطراف کے علاقوں میں فضائی سکیورٹی اور نگرانی بڑھا دی گئی ہے۔